ამერიკაში „ფავერბოლის“ ლატარეაში რეკორდული, მილიარდ-ნახევარი დოლარის ოდენობის ჯეკპოტი გათამაშდა.
მომგებიანი ბილეთი კალიფორნიის შტატში, ლოს-ანჯელესის გარეუბნის ერთ-ერთ მაღაზიაში გაიყიდა. მომგებიანი ბილეთის მფლობელის სახელი ჯერჯერობით ცნობილი არ არის.
ეს აშშ-ის ისტორიაში ყველაზე მასშტაბური მოგებაა, თუმცა გამარჯვებულს ერთიანად მხოლოდ 930 მილიონი დოლარის აღება შეუძლია. „ფავერბოლის“ წესების თანახმად, მოგებულს თანხას 30 წლის განმავლობაში ნაწილ-ნაწილ გადასცემენ. გარდა ამისა, მოგებული თანხიდან ფედერალური საგადასახადო სამსახური 39 პროცენტს დაქვითავს. ამას ემატება იმ შტატის გადასახადიც, სადაც მომგებიანი ბილეთი გაიყიდა.
„ფავერბოლის“ ლატარეა 44 შტატში თამაშდება. ბილეთის ფასი 2 დოლარია.
![](https://s2.save4k.ru/pic/Uk825Y2hBc4/mqdefault.jpg)