Қаңтар оқиғасы кезінде жеңіл және орташа қылмыс жасағандарға қатысты қылмыстық істер тоқтатылатын болды. Ал, сотталғандар жазадан толық босатылады. Жазасын өтеген азаматтардың соттылығы алынады. Сондай-ақ, ауыр қылмыс жасаған адамдар үшін соттар тағайындаған жазаның төрттен үш бөлігі , аса ауыр қылмыстар үшін мерзімнің жартысы қысқартылады. Бүгін Мәжілісте депутаттар «Рақымшылық жасау туралы» заң жобасын мақұлдады. Оған сәйкес, «қаңтар оқиғасына» қатысы бар мың жарым адам рақымшылыққа ілінуі мүмкін.
Ал рақымшылыққа ілінген азаматтар мемлекеттік қызметте, құзырлы органдарда жұмыс істей алмайды. Жаза мерзімі толық аяқталғанша шет елге шыға алмайды, басқа қалаға қоныс аудара алмайды. Парламент депутаттары мен құзырлы орган өкілдері осы уақытқа дейін қамауда отырған азаматтармен арнайы барып тілдескен. Басым бөлігі жаппай тәртіпсіздік басталған тұста қылмыскерлер мен ереуілдерді ұйымдастырушылардың айтқанын орындағандарын мойындаған. Қазір ресми мәлімет бойынша 1 060 адам сотталды, олардың тек 106-сы бас бостандығынан айырылған. Мемлекетке сатқындық жасау, жаппай тәртіпсіздік ұйымдастыру, жемқорлық, терроризм, экстремизм, азаптаумен байланысты қылмыс жасағандар рақымшылыққа ілінбейді. Ал Бас прокуратураның мәліметінше, «қаңтар оқиғасы» кезінде азаматтарды азаптаған полиция мен Ұлттық қауіпсіздік комитетінің 29 қызметкері қылмыстық жауапқа тартылып жатыр.
ӘСЕТ ШЫНДАЛИЕВ, ҚР Бас прокурорының орынбасары:
– Біздің болжамымыз бойынша рақымшылыққа мың жарым адам ілінеді. Басым бөлігі - олар қарапайым азаматтар. Жаппай тәртіпсіздік жасаған азаматтар. Ал азаптау бойынша қазір 11 іс тергеу барысында.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Қаңтар_Оқиғасы #Рақымшылық
Ещё видео!