Мемлекет басшысы Нұрсұлтан Назарбаев ТМД елдері басшылары кеңесінің отырысына қатысу үшін Душанбе қаласына барды. Тәжікстан астанасында Қазақстан Президентін елдің Премьер-министрі бастаған делегация күтіп алды. Елбасының ұшағы әуежайға кеше жергілікті уақытпен 18.35-те қонды. Саммит алдында Нұрсұлтан Назарбаев Тәжікстан Республикасының Президенті Эмомали Рахмонмен кездесті. Тараптар екіжақты қатынастардың қазіргі мәселелерін және экономиканың түрлі секторларындағы ынтымақтастықты дамыта түсудің жайын қозғады. Елбасы берік байланысты тереңдетіп, өзара сауда-саттықты ілгерілетудің маңыздылығына тоқталды. Ал, Тәжікстан Президенті қос мемлекет арасында қалыптасқан қатынастардың стратегиялық сипаты туралы айтты. Сондай-ақ, Нұрсұлтан Назарбаевтың халықаралық аренадағы беделін сөз етіп, экономикалық және саяси тұрғыдан қолдау көрсеткені үшін Қазақстанға ризашылық білдірді.
Ещё видео!