Kryeministri Edi Rama është rikthyer në Postribë të Shkodrës një muaj e gjysëm pasi i premtoi familjes Shabaj ndërtimin e një shtëpie të re. Bashkëngjitur publikimit të videos në rrjetet sociale, kreu i qeverisë premton se do të bëjë më shumë për njerëzit në nevojë gjatë vitit të ardhshëm.
Postimin më të rëndësishëm të së dielës së fundit të vitit 2018, kryeministri Edi Rama ia ka rezervuar familjes prej 9 anëtarësh të Vullnet Shabajt në Postribë të Shkodrës.
Rreth 1 muaj e gjysmë më parë më parë, Kreu i qeverisë pa kushtet në të cilat jetonin. E megjithatë fëmijët e familjes Shabaj janë me nota të shkëlqyera në mësime. Premtimi i Kryeministrit nuk ishte vetëm shtëpia e re, por edhe një punë të stabilizuar për kryefamiljarin.
Më 29 dhjetor, rikthehet në Postribë kryetari i qeverisë për t’i dhënë çelësat familjes Shabaj. Nuk munguan edhe dhuratat dhe një laptop për të mësuar anglisht.
Nga rrjetet sociale, Kryeministri premton se do të bëjë më shumë gjatë vitit që vjen për familjet në nevojë. /abcnews.al
