Drejtuesi i SPAK Altin Dumani gjatë përballjes me KLP për punën 1 vjeçare të institucionit që ai drejton foli më shumë për halle sesa për sukseses. Dumani e vendosi theksin tek mungesa e ambienteve për hetuesit e BKH, që vënë në vështirësi punën e tyre.
“Deri në 6 hetues janë në një zyrë. Në rast se njëri prej tyre duhet të marrë në pyetje një person kolegët e tjerë të zyrës duhet të dalin jashtë për shkak të ruajtjes së sekretit të hetimit. “
Përballë Këshillit të Lartë të Prokurorisë, Dumani foli edhe për çështjet që janë të mbartura dhe në tejkalim të afateve ligjore. Gjatë këtij viti do të rivlersohen edhe aftësitë profesionale të agjentët e BKH-së.
“Sa i takon hetuesve të BKH, atyre iu është ofruar gjithë mbështetja. Kanë qenë pjesë e trajnimeve të vazhdueshme për çështje të ndryshme, nga FBI, nga projektet e BE-së. Ata punojnë ngushtësisht me prokurorët, janë kujdesur si të rriten profesionalisht. Uroj që të gjithë të rivlerësohen. Nuk është ky institucion hajde ta mbajmë kot, është vlerësim objektiv, shansi jepet njëherë në 2 vjet. “
Në raportimin e tij Altin Dumani e vendoi theksin tek rritja e rasteve të hetuar për pastrimit të parave dhe korrupsionit.
“SPAK ka demonstruar se rastet për pastrim parash janë në rritje. Në 2022, 12 çështje të reja, çështje me burim kallëzimi nga juridiksione të huaja. SPAK i ka kushtuar vëmendje të veçantë veprave penale në trafik narkotikësh apo terrorizmit. Janë rritur me 30% çështjet lidhur me korrupsionin. “
Kreu i Këshillit Alfred Balla i kërkoi Dumanit nisjen e me shumë çështjeve dhe trasparencë. Pas përfundimit drejtuesi i Prokurorisë së Posaçme nuk dha shpjegime për çështjet nxehta të momentit.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!