Әрбір қазақ шаңырағында әкенің рөлі ерекше. Ол – отбасының асыраушысы, тірегі, қамқоршысы. Баланың өсіп-жетіліп, өз алдына жеке тұлға болып қалыптасуына, қоғамдағы өз орнын дұрыс таба білуінде әкенің атқарар еңбегі зор. Алайда ата-анасының дәм-тұзы жараспай, ажырасып кеткен жағдайда, оның орнына үйге өзге кісі келіп, әке орнына әке болса, жағдай қалай болады? Психолог мамандардың айтуынша, өгей әке ең алдымен анасының емес, балаларының көңілін таба білуі, олармен тіл табыса білуі керек. Алайда қазіргі қоғамда өгейлігін көрсетіп, алған жарының балаларын қорлап жүрген озбыр әкелер де кездеседі. Өзегін жарып шыққан өз баласы болмаған соң, қорлықтың неше түрін көрсететін әкенің арсыз қылығы айтылып та, жазылып та жүр. Мұндайда екі оттың арасында қалған ана не істеуі керек? Балалары мен кейінгі жарының арасын қалай жақындатуы керек? Балаларын сыйламай, күш көрсетіп, қорлап жүрген озбырмен әрі қарай бір шаңырақ астында тұруы дұрыс па? Бағдарлама қонақтары мен психологтар осы сұрақтарға жауап іздейтін болады.

свернуть