Ел Президенті Франсуа Олланд Парламент алдында сөз сөйлеп, күреске дайын екенін жеткізді. Франция билігінің осы бағыттағы ендігі іс-қимылдары Барак Обама және Владимир Путинмен талқыланады.
Франсуа Олландтың Мәскеуге сапары қарашаның соңына жоспарланып отыр. Франция көшбасшысы бүкіл әлемге лаңкестікке қарсы коалиция құру туралы да үндеу тастады. Сондай-ақ ел билігі Сириядағы батыс коалициясының құрамындағы өз әскери күшін үш есе көбейтуге шешім қабылдаған.
Естеріңізде болса, Париждегі оқиғалардан кейін Францияның әскери әуе күштері содырлар шоғырланған Ракканы бомбылаған еді.
Франсуа Олланд, Франция Президенті
-Біз ешқашан өркениетке қарсы болған емеспіз. Қазір де лаңкестермен күресті осы санатқа жатқыза алмаймыз. Өйткені содырлар өркениетті халық өкілі емес. Біз Францияға ғана емес, бүкіл әлемге қауіп төндіріп тұрған экстремистермен күрес жүргізудеміз.
![](https://i.ytimg.com/vi/UxBjEooW4fE/maxresdefault.jpg)