Pjesa jugore e Evropës po përballet me një valë vrasëse të nxehti ndërkohë që agjencia hapësinore e bashkimit evropian ka paralajmëruar se një situatë akoma më e rëndë po vjen. Sistemi i presionit të lartë atmosferik, i cili po përshkon Mesdheun nga Afrika e Veriut është quajtur Cerberus, sipas monstrës me tre koka që ruante portat e ferrit sipas mitologjisë së lashtë greke.
Masat e emergjencës kanë hyrë në fuqi në disa vende pasi temperaturat në pjesë të Evropës Mesdhetare do të arrijnë 45 gradë Celsius të premten dhe në fundjavë.
Në Athinë dhe qytete të tjera greke u ndryshua orari i punës për sektorin publik dhe shumë biznese për të shmangur vapën e mesditës, ndërsa zonat me ajër të kondicionuar u hapën për publikun. Cerberus po monitorohet nga Agjencia Evropiane e Hapësirës, e cila paralajmëroi se vala e të nxehtit do të përfshijë edhe në pjesë të Evropës veriore. “Italia, Spanja, Franca, Gjermania dhe Polonia po përballen të gjitha me një valë të madhe të nxehti, me temperatura që pritet të rriten në 48 gradë Celsius në ishujt e Siçilisë dhe Sardenjës – potencialisht temperaturat më të nxehta të regjistruara ndonjëherë në Evropë”, tha agjencia të enjten.
Në Arktik, një temperaturë e lartë rekord prej 28.8 gradë Celsius u shënua në Slettness Fyr në majën veriore të Norvegjisë, thanë meteorologët norvegjezë. Kjo thyen një rekord të mëparshëm nga korriku 1964 kur termometri arriti 27.6 gradë Celsius. Reklamat televizive në Itali u kujtuan banorëve të kujdesen për kafshët shtëpiake dhe të kontrollojnë rregullisht të afërmit e moshuar.
Në Maqedoninë e Veriut, i nxehti shkaktoi një rritje të telefonatave urgjente për ndihmë shëndetësore, ndërsa banorët në Kosovë, që gjithashtu nuk ka dalje në det, u dyndën në një park pranë kryeqytetit Prishtinë.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Evropa#Temperaturat
![](https://s2.save4k.ru/pic/UxG1UtD1aOc/maxresdefault.jpg)