Në fjalimin e tij drejtuar kombit, presidenti rus Vladimir Putin paralajmëroi një ditë më parë për rrezikun e një konflikti bërthamor global nëse NATO dërgon trupa në Ukrainë. Zëdhënësi i Departamentit të Shtetit, Mattheë Miller megjithatë, u përpoq të qetësonte zërat e shqetësuar nga këto pohime të shefit të Kremlinit.

Shtetet e Bashkuara nuk kanë parë ndonjë shenjë se Rusia është duke u përgatitur për ta përdorur ndonjë armë bërthamore dhe do të vazhdojnë ta vëzhgojnë atë me kujdes, u shpreh ai.

Nuk është hera e parë që dëgjojmë retorikë të papërgjegjshme nga ana e Vladimir Putinit. Kjo nuk është mënyra se si duhet të flasë lideri i një shteti të armatosur me armë bërthamore.

Në fjalimin e tij, Putin u shpreh se “ne kemi armë me të cilat mund t’i godasim brenda territoreve të tyre, a nuk e kuptojnë ata këtë gjë? Perëndimi duhet “patjetër, në fund, ta kuptojë se e gjithë kjo rrezikon nxitjen e një konflikti me përdorimin e armëve bërthamore, dhe si përfundim shkatërrimin e qytetërimit”, ishte komenti i tij, i nxitur me sa duket nga deklaratat e shefit të Elizesë, Emmanuel Macron më herët gjatë javës se pavarësisht se për momentin nuk ka konsensus, nuk duhet të përjashtohet asnjë mundësi për ta ndihmuar Ukrainën, përfshirë edhe dërgimin e trupave perëndimore për të luftuar përkrah Kievit, në mënyrë që të parandalohet një fitore e Rusisë.

Edhe ekspertë gjermanë të politikës së jashtme mendojnë po kështu se kërcënimet e presidentit rus, nuk duhet të ngjallin panik. Kryetari i Komisionit parlamentar të Punëve të Jashtme dhe deputeti social-demokrat, Michael Roth, u shpreh kundër mbivlerësimit të fjalimit të Putinit."Ai përsërit akuzat dhe kërcënimet e tij të njohura ndaj Perëndimit”, tha kryetari i Komisionit
të Punëve të Jashtme në Bundestag, Michael Roth, për Rrjetin redaksional të Gjermanisë (RND). "Ne nuk duhet t'i lejojmë vetes të na impresionojë kjo” - tha Roth.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Russia#SHBA#TopChannelNews

свернуть