Şeir: Cabir Novruz - Sən elə bir vaxtda rast gəldin mənə
Səsləndirmə: Hüsniyyə Mürvətova
Biraddımla'ya YouTubeda abunə olmaq: [ Ссылка ]
Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com
CABİR NOVRUZ - SƏN ELƏ BİR VAXTDA RAST GƏLDİN MƏNƏ
Sən elə bir vaxtda rast gəldin mənə,
Qurumuş bulağam, bulanmış suyam...
Sən elə bir vaxtda rast gəldin mənə,
Oxunmuş nəğməyəm, çalınmış toyam.
Nə gücüm çatdı ki, səndən yapışım,
Nə gücüm çatdı ki, səndən qaçam mən...
Nə odum oldu ki, yanam, alışam,
Nə sehrim oldu ki, cavanlaşam mən...
Sən elə bir vaxtda rast gəldin mənə,
Ömrün payız vaxtı, xəzəl çağıydı...
Sən elə bir vaxtda rast gəldin mənə,
Sənin gəncliyinin gözəl çağıydı...
Nə deyə bildim ki, tutmaz sevdamız,
Nə deyə bildim ki, tuta bizimki...
Bizimdir səmada axan o ulduz,
O uzaqda itən qatar bizimdir...
Sən elə bir vaxtda rast gəldin mənə,
Dayanıb durmuşdum yol ayrıcında...
Sən elə bir vaxtda rast gəldin mənə,
Bir üzüm cavandı, bir üzüm qoca...
Nə deyə bildim ki, sevən çağımdı,
Nə dedim sevirəm, mənə dayaq ol...
Nə deyə bildim ki, mənə yaxın dur,
Nə deyə bildim ki, məndən uzaq ol...
Sən elə bir vaxtda rast gəldin mənə,
Ömrün eşq badəsi içilmiş idi...
Sən elə bir vaxtda rast gəldin mənə,
Mənzilimin çoxu keçilmiş idi...
Nə deyə bildim ki, ürəksən mənə,
Nə deyə bildim ki, ürək deyilsən...
Nə deyə bildim ki, gərəksən mənə,
Nə deyə bildim ki, gərək deyilsən...
Sən elə bir vaxtda rast gəldin mənə,
Bu necə fəsildi, necə vaxt idi...
Sən bir vaxtda rast gəldin mənə,
Bu necə taleydi, necə bəxt idi...
Nə deyə bildim ki, pənahsızam mən,
Nə deyə bildim ki, pənah məndədir...
Nə deyə bildim ki, günahsızam mən,
Nə deyə bildim ki, günah məndədir...
Sən elə bir vaxtda rast gəldin mənə,
Özüm öz halıma gülmək istədim...
Sən elə bir vaxtda rast gəldin mənə,
Təzədən dünyaya gəlmək istədim...
Mahir Qabiloğlu:
"... Cabir Novruz'un üç oğlu var idi: Mirzəbəy, Vüqar və Müşfiq. Hər dəfə Müşfiqi görəndə pis olurdum. Çünki Mirzəni 48, Vüqarı isə 52 yaşında son mənzilə o yola salmışdı. Bu yaşında nəslin ağsaqqalı, Cabir Novruz ocağının yeganə keşikçisi sayılırdı. Onu yaxşı başa düşürdüm. Amma nə davranışında, nə də hərəkətlərində biruzə verirdi qəm-qüssəsini. Şəxsən məni bu dərdinə şərik etmirdi. Nə həyatından, nə də səhhətindən şikayət etdiyini görmüşdüm. Müşfiq nikbin adam idi. Atasıyla fəxr edirdi. Atasının dostlarıyla fəxr edirdi. Çox xatirələri vardı onlar haqqında. Amma qələmə almırdı. Yasda-toyda görüşəndə düşürdü üstümə:
“Alə, filan vaxt filan şey belə oldu. Mən deyirəm, sən yaz”.
Deyirdim ki, sən də mənim kimi şair oğlusan, həm də jurnalistsən. Özün yaz da...”.
Cavab verirdi ki, “Mahir, səndə alınır. Çəmini tutmusan. Bütün şair uşaqları yazan olmaz ki... Sən yazırsan, bəsimdi”.
Müşviq elə hey deyirdi:
– Mahir, düş qabağa, biz də yardımçın olaq, “Xalq şairlərinin uşaqları” adlı cəmiyyət yaradaq. Sən də ol sədr. Cəmi 23 nəfərik də.
– Yox, – deyə cavab verirdim.
– Niyə axı?
– Çünki Anar imkan verməz.
– Niyə vermir ki… əksinə kömək edər.
– Onu bilirəm ki, kömək edər. Amma sədr özü olmaq istəyəcək. Mənə imkan verməz.
– İnanmıram. Onsuz da o boyda İttifaqın sədridir. Balaca cəmiyyətin sədrliyinə niyə gözü düşməlidir ki?
– Çünki Anar “dvajdı” Xalq şairi oğludur. Atası Xalq şairi Rəsul Rza, anası Xalq şairi Nigar Rəfibəyli. Biz isə bu şərəfə bir dəfə layiq görülmüşük. Bu izahımı eşidib gülürdü..."
#cabirnovruz #senelebirvaxtdarastgeldinmene #husniyyemurvetova #biraddimla #biraddimlayol
![](https://i.ytimg.com/vi/V436DVFzfDI/maxresdefault.jpg)