Duite
Tekst: Pol Beaulen
Muziek: Pol Beaulen
Arrangement: Lei de Bruyn - Royal Music Productions - Kerkrade
Tekst:
Iech kwaom 'ns mèt mien meidske thoes. Mien mam bekeek h'r ins.
Ze zag toen jong noe luuster 'ns naor miech, die häöre pa, iech kin dee mins.
De mós 't zellevers wete jong, mer in godsnaom, kiek mèr oet.
Want die häöre pa waor vreuger al, neet alleijn op de leefde oet!
Die häöre pa waor vreuger al, ouch op de duite oet!
Iech kwaom ouch bij mien meidske thoes, häöre pa bekeek miech ins.
Heer zag toen meid, noe luuster 'ns naor miech, dee z'n mam iech kin dat mins
De mós ’t zellevers wete meid, mer in godsnaom, kiek mèr oet.
Want dee z'n mam waor vreuger al, neet alleijn op de leefde oet!
Dee z'n mam waor vreuger al, ouch op de duite oet!
Duite? Duite? Dreijt ’t daan, alleijn mèr um de duite?
Duite? Duite? Maak dat 't leve zoe sjoen!
Duite? Duite? Dreijt ’t daan, allein mèr um de duite?
Duite? Duite? Is ’t neet um de leefde te doen?
V'r höbbe 't toen mèr oet gemaak, 't waors veur us "fienie".
Mèr nao weeke pijn en väöl verdreet, heelte v'r 't neet mie.
En v'r móste 't zellevers weete, en v'r keeke naor elkaar oet.
V'r höbbe us awwers begrepe, v'r zien noe same.
Mèr neet… Op de duite oet!
Leefde, leefde. ’t dreijt toch allein mèr um de leefde
Leefde, leefde. ’t is neet um de duite te doen?
Leefde, leefde. ’t dreijt toch allein mèr um de leefde
Leefde, leefde. ’t is neet um de duite te doen?
Is ’t neet um de duite te doen?
Mèr jeh? Zonder duite, kinste ouch niks doen!
![](https://i.ytimg.com/vi/V4OzvteaXlQ/maxresdefault.jpg)