Հունիսի 15-ին Չարենցավանի Ա. Խաչատրյանի անվան երաժշտական դպրոցի դահլիճում կայացավ Կոտայքի մարզի երաժշտական, արվեստի և գեղարվեստի դպրոցների մարզային 9-րդ մրցույթ-փառատոնի գալահամերգը, որին ներկա էին Կոտայքի մարզպետ Ռոմանոս Պետրոսյանն ու Չարենցավան համայնքի ղեկավար Հակոբ Շահգալդյանը: Գալահամերգի ընթացքում ելույթ ունեցան փառատոնի լավագույն մասնակիցները, իսկ երաժշտական դպրոցի նախասրահում բացված ցուցահանդեսում ներկայացված էին գեղարվեստի բաժնի սաների աշխատանքները:
Փառատոնի շրջանակներում կազմակերպվել են երաժշտարվեստի օրեր Չարենցավան, Աբովյան և Եղվարդ քաղաքներում, ինչպես նաև նկարչական բացօթյա պլեներ`Օհանավանքում: Գալահամերգի ավարտին բոլոր հաղթողներն արժանացան պատվոգրերի և մրցանակների:
![](https://i.ytimg.com/vi/V6w1lqDLKkA/maxresdefault.jpg)