Еркіндік
әні мен сөзі: Мағжан Алдаберген
Бүгін қолым бос, ешқайда бару керек емес,
Бірақ, ешкім үйінде қамалып отыра бермес.
Іздегенім Еркіндік, мейлі, болсын ол құр елес –
Далаға шықтым, кептелген көшеге болдым кез...
Қанат кағып көкке, аспанға,
Ұшамын сонау биік, өте алысқа
Онда не бар? Керегі қанша?
Қажет емес сұрақ басқа да...
Қол созамын кеттік сол жаққа –
Байланбаймыз ірі-майдаға.
Шу мен талас, жылдам уақыт та
Бізден төмен қалар соңында...
Бүгін қалтам бос, ештеңе де жоғалып кетпес,
Бірақ, ешкім тек барына қарап отыра бермес.
Іздегенім Еркіндік, мейлі, болсын ол құр елес –
Жаяу жүрген болсам да, күткендерден болдым тез...
Қанат кағып көкке, аспанға,
Ұшамын сонау биік, өте алысқа
Онда не бар? Керегі қанша?
Қажет емес сұрақ басқа да...
Қол созамын кеттік сол жаққа –
Байланбаймыз ірі-майдаға.
Шу мен талас, жылдам уақыт та
Бізден төмен қалар соңында...
![](https://s2.save4k.ru/pic/VFHZ0QQ9K9A/maxresdefault.jpg)