Back to daily grind, madlang people, dahil Lunes na naman! Kung energy at motivation ang ‘yong kailangan, ‘Showtime’ family na ang bahalang maghatid n’yan. Simulan natin with kilig kantahan kasama ang bandang Hale. Heto pa ang dalawang bisita na kukumpleto sa araw n’yo – sina Barbie Forteza at David Licauco na may dalang regalo for all of you!

Sa ‘Showing Bulilit’ ‘di lang tayo mag-e-enjoy sa panonod ng mahuhusay na aktingan kundi pati madlang people ay mabibiyayaan. Performances ng mga talented chikiting, talaga namang award-winning. Kahit anong genre pa ‘yan, lalabas ang kanilang galing!

Ginalingan din ng technical committee dahil si Meme Vice Ganda, dalang-dala na sa buzzer na parang may favoritism.

‘Goods’ na ang buzzer, everyone’s ready for the game. At ang magkaka-tandem: Vhong Navarro at Karylle, Jhong Hilario at MC, Teddy Corpuz at Jackie Gonzaga, Ogie Alcasid at Lassy, Vice Ganda at Kim Chiu, at si Ryan Bang, may kasamang Barbie.

Si Barbie, first time sumalang sa jackpot round. Hmm. Meme, kasalanan pa rin ba ng buzzer? O masyado lang ginalingan ng guest player?

Kaka-TikTok n’yo yan, CJ at Juliane! Ang featured ex-couple sa ‘EXpecially For You,’ sa TikTok nagkakilala. Nahulog ang loob sa isa’t-isa sa kabila ng distansya dahil si CJ ay working student sa California.

Heto na ang exciting part – ang online sweethearts, sa wakas, maghaharap! ‘Yun na siguro ang pinakamatamis na sorpresang ginawa ni Juliane para sa dating nobyo. Pero bakit kung kailan ‘di na magkalayo, saka naman nanlamig ang pakikitungo? Si Juliane, aminadong naging moody, na sintomas ng isang hormonal condition na dinaramdam ng kanyang katawan. Nakakalungkot lang na hindi n’ya napaliwag kay CJ ang kanyang pinagdadaanan, kaya nawala ang kanilang pagkakaunawaan.

Bumida ang dalawang mag-aaral na may golden tinig sa ‘Tawag Ng Tanghalan The School Showdown.’

Para kay hurado Zsa Zsa Padilla, unique ang napiling piyesa ng pambato ng Diaz College, si Kevin Rosano na umawit “If I Never Sing Another Song.”

Present din ang estudyante ng Jose Rizal Memorial State University – Beng Away. Husay at confidence niya sa pagkanta ng “Ang Buhay Ko,” hinangaan ni hurado Dingdong Avanzado.

Matapos ang pasiklaban sa tanghalan, si Beng ang nakakuha ng mas mataas na grado mula kina hurado Dingdong, Zsa Zsa, at Ogie Alcasid. Pasok na siya sa ‘prelims’ o weekly finals.

свернуть