Gjashtë muaj më parë, Vladimir Putin urdhëroi dhjetëra e mijëra trupa ruse të hynin në Ukrainë, në një operacion special ushtarak që nuk ishte gjë tjetër vecse një pushtim masiv në një shkallë që nuk shihej në evropë që nga lufta e dytë botërore. Që atëherë, me dhjetëra e mijëra njerëz janë vrarë, miliona janë larguar nga shtëpitë e tyre dhe qytete të tëra janë kthyer në rrënoja nga bombardimet e pandalura të Rusisë. Por cilat janë momentet kryesore të këtij konflikti...
Rusia kishte mohuar gjithnjë se do të pushtonte ukrainën dhe kur e bëri këtë tha se po kërkonte të carmatoste dhe denazifikonte Kievin si edhe të ndalte zgjerimin e NATO-s, por jo të merrte territore. Por, ukrainasit thonë se në një fjalim të Putinit, tre ditë para pushtimit, nuk kishte dyshime se ai donte të pushtonte vendin e tyre dhe të fshinte identitetin kombëtar 1 mijë vjecar. “Ukraina nuk është vetëm një vend fqinj për ne. është një pjesë e patjetërsueshme e historisë, kulturës dhe hapësirës sonë shpirtërore”, tha Putin. Në pak orë pushtim, Rusia uli komandot në aeroportin Antonov, në veri të Kievit në përpjekje për të siguruar një urë ajrore për sulm rrufe në kryeqytet. Por ukrainasit i shkatërruan paratrupat ruse dhe shkatërruan pistën...ndërsa kolona e mjeteve të armatosura ruse arriti në periferinë e Kievit por dështuan ta merrnin atë. E ndërsa bombat ruse binin mbi kiev dhe banorët strehoheshin në stacionet e metrosë për të shpëtuar, presidenti volodimir zelenski bëri të qartë se ai nuk do të shkonte askund.Mirëmëngjes ukrainas – tha ish aktori komik, në një video në mëngjesin e tretë të luftës. Ya tut – jam këtu, tha ai. Që atëherë, ai ka përdorur videot për të evokuar Martin Luter Kingun në kongresin amerikan apo Murin e Berlinit në Bundestag. Ai është projektuar në rrugët e pragës, në cmimet gramy apo edhe në festivalin e muzikës Glastonbury. Mariupoli u bë qyteti simbol i rezistencës ukrainase për një kohë, me Azovstalin si kështjellë, deri sa ra. Ndërsa Bucha, qyteza pranë Kievit, shpalosi mizorinë e trupave ruse me viktima civile nëpër rrugë, disa me duart e lidhura. Fundosja e luftanijes së krenarisë ruse në detin e zi, Moskva-s, ishte një shuplakë e rëndë për Putinin ndërkohë që nuk mund të lihet pa përmendur heroizmi i mbrojtësve ukrainas të ishullit të gjarprit, që në ditën e parë të pushtimit rus i thanë luftanijeve që kërcënonin ti bombardonin, shkoni në djall! Fraza u bë një slogan kombëtar. Tani, beteja është zhvendosur në Donbas...por edhe atje, rusia nuk po mundet të bëjë përpara ndërsa Kievi, ka premtuar se do të rimarrë jugun nën kontroll, me HIMARS-ët amerikanë që po e ndihmojnë jo pak.


Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Lufta#Ukrainë#TopChannel

свернуть