1. Қытай қазақтары Германиядан көмек сұрады
2. Ақтөбеде үй өртенді
3. Қырғызстанда экс-президентке қатысты заң өзгерді
4. Полицияның жұмысын жақсартуды тағы талқылады
Бізге жазылыңыздар:
Фейсбук: [ Ссылка ]
Твиттер: [ Ссылка ]
Телеграм: [ Ссылка ]
Ютуб: [ Ссылка ]
[ Ссылка ]
----
Подписывайтесь на этот канал и будьте в курсе самых важных событий в жизни Казахстана и мира.
Также, Вы можете читать нас в Твиттере: [ Ссылка ]
в Facebook: [ Ссылка ]
а также в Одноклассниках:
[ Ссылка ]
Подписывайтесь на AzattyqTV в YouTube:
[ Ссылка ]
Азаттык в вашем телефоне:
[ Ссылка ]
[ Ссылка ]
--
Қытайда туыстары қамалғандар Германия консулдығынан араша сұрады
Алматыда қазанның 4-і күні Қытайдың #Шыңжаң-#Ұйғыр автономиялық ауданы (бұдан ары Шыңжаң) Құлжа қаласынан Қазақстанға көшіп келген қазақ отбасыларының өкілдері Қытайда қамауда отырған туыстарын босатуға көмек сұрады.
"Уют" қонақүйінде өткен баспасөз мәслихатында жиналған ондаған адам Қытайда туыстарының "саяси үйрену орталықтарында" жазықсыз қамауда отырғанын айтып, Қазақстан билігінен, халықаралық құқық қорғау ұйымдарынан оларды босатуға жәрдем қылуын сұрады. Жиналғандар туыстарының суреттерін көрсетіп, алды бірнеше жыл қамауда отырғанын айтты. Олардың сөзінше, биыл көктемде қамалғандар қатарында имам мен мұғалім бар.
Құлжабек Нұрданғастың айтуынша, 24 жастағы қызы Сәуле Құлжабектің биыл көктемде ұсталып, содан бері қамауда отырғанын айтты. Нұрданғастың айтуынша, қызы Қазақстанға жұмыс бабымен келіп жүрген.
Жиналғандар баспасөз мәслихатынан соң #Германия консулдығына барып, осы ел билігінен көмек сұраған хатын тапсырды. Консулдық өкілі жиналған адамдардың екеуін ғана өткізу пунктіне кіргізіп, хатын қабылдап алды.
Соңғы айда Шыңжаңның түрлі аудандарынан Қазақстанға көшіп келген қазақтар Алматыда кезек-кезек баспасөз мәслихатын өткізіп, #Қытай'да қамалған туыстарын босатуға биліктен және халықаралық қауымдастықтан көмек сұрап келеді. Өткен аптада Шыңжаңның Мұңғылкүре ауданынан көшіп келген қазақтар өткізген жиында прокуратура өкілдері келіп, мұндай жиын өткізуге болмайтыны туралы ескертіп кеткен.
--
Ақтөбеде көп қабатты үй өртеніп жатыр
Ақтөбеде Әбілқайыр хан даңғылының бойында орналасқан көп қабатты үй өртеніп жатыр. #Азаттық тілшісінің оқиға орнынан хабарлауынша, өрт он қабатты 73-үйдің үшінші подъезінің үшінші қабатынан басталған.
#Ақтөбе облыстық төтенше жағдайлар департаменті бастығының орынбасары Ернұр Өтегеновтің айтуынша, өрт жергілікті уақытпен сағат 14:10-да басталған. Екінші және үшінші подъездің тұрғындары эвакуацияланды. Өрт жалыны тоғызыншы қабатқа дейінгі пәтерлерді шарпыды. Өрт әлі сөндіріліп жатыр. Өрттен зардап шеккендер туралы және қанша пәтер немесе қанша шаршы метр аумақ жанып кеткені туралы әзірге мәлімет жоқ.
Өрт болған үй жанында өрт сөндірушілерден өзге жедел жәрдем қызметі мен полицейлер жүр. Оқиға орнына қала мен облыс басшылары да барды.
--
#Қырғызстан экс-президентке тиіспеу нормасын конституцияға қайшы деп таныды
Қырғызстан Жоғарғы сотының конституциялық палатасы заңгер Нурбек Токтакуновтың заңдағы экс-президентке тиісуге мүлдем болмайтыны туралы норманы конституцияға қайшы деп тануды сұраған шағымын қарады. Заңгер Қырғызстан президентінің қызметіне кепілдік беру туралы заңның 12-бабын ("Қырғызстан экс-президентіне тиіспеу") шағым түсірген. Ол шағымында экс-президентке мүлдем тиісуге болмайды деген норманы жоюды сұрайды.
Токтакуновтың сөзінше, конституциялық палата президентке тиіспеу құқығын беру конституцияға қайшы, бірақ тиіспеу туралы нормамен бірге ондай құқықтан айыру процедурасы да қарастырылуы тиіс деп жауап берген.
"Түсінікті қылып айтсақ, олар "экс-президентке тиіспеу туралы бап конституцияға қайшы келеді, себебі бұл құқықтан айыру процедурасы қарастырылмаған" деген пікірде. Палата заңға экс-президентті тиіспеу құқығынан айыру процедурасын енгізуді депутаттар ұсынуы керек деп, барлық жауапкершілікті Жогорку Кеңешке артып отыр. Олар сонымен қатар бұл процедура президентті қызметінен шеттетуден (импичмент жариялау - ред.) оңай болмауы тиіс деп санайды" дейді Токтакунов.
Конституциялық палата заңгер Токтакуновтың шағымын биыл шілдеде өндіріске алған. Заңгер экс-президентке тиісуге болмайды деген абсалютті құқық конституцияның "заң алдында адамдардың барлығы тең" деген принципіне қайшы келеді дейді.
Қырғызстан президентінің қызметіне кепілдік беру туралы заңның 12-бабында экс-президент Қырғызстан президенті қызметін атқару кезіндегі әрекеті немесе әрекетсіздігі үшін қылмыстық және әкімшілік жауапқа тартылмайды, тұтқындалып, қамалмайды, тінтілмейді және тергелмейді делінген. Қырғызстанда экс-президент мәртебесіне Роза Отунбаева мен Алмазбек Атамбаев қана ие.
