ԵԱԶԲ-ն 2023-ին անդամ երկրներից ամենացածր գնաճը ՀՀ-ում է կանխատեսել
4.2 տոկոս ՀՆԱ աճ, 4.6 տոկոս գնաճ, դրամի նկատմամբ դոլարի որոշակի արժևորում. սա Հայաստանի վերաբերյալ Եվրասիական զարգացման բանկի 2023-ի կանխատեսումն է: Կառույցը հրապարակել է անդամ 6 երկրների վերաբերյալ իր կանխատեսումները:
Վերլուծաբաններն առանձնացրել են համաշխարհային տնտեսության երեք հիմնական միտումներ՝ գնաճի բարձր մակարդակ, կենտրոնական բանկերի կողմից տոկոսադրույքների բարձրացում և բիզնեսի ակտիվության նվազում: Դրանց հիման վրա նախ արել են ընթացիկ տարվա վերաբերյալ են կանխատեսում , ապա և՝ առաջիկա 2 տարվա: ԵԱԶԲ անդամ 6 երկրից՝ Հայաստան, Ռուսաստան, Բելառուս, Ղազախստան, Ղրղզստան և Տաջիկստան, ընթացիկ տարում ամենաբարձր ՀՆԱ աճը կանխատեսվում է մեր երկրում՝ 12.5 տոկոս, գնաճը կկազմի 9.6 տոկոս, որը ամենացածրերից է, զիջում է միայն Տաջիկստանին: Արդեն 2023-ին ԵԱԶԲ անդամ երկրներից ամենացածր գնաճը Հայաստանում է կանխատեսվում: Մասնագետների կարծիքով՝ սա կախված է Կենտրոնական բանկի դրամավարկային քաղաքականությունից:
*** ՎԶԵԲ ՆԵՐԴՐՈՒՄՆԵՐ
ՎԶԵԲ-ը Հայաստանի տնտեսությունում տարեկան ներդնում է մոտ 150 միլիոն
Վերակառուցման եւ զարգացման եվրոպական բանկը Հայաստանում գործունեություն է ծավալում արդեն 30 տարի՝ ներդնելով ավելի քան 2 միլիարդ մոտ 200 ծրագրերում, որոնցից մոտ 90%-ը գործում է մասնավոր հատվածում: ՎԶԵԲ ներդրումները Հայաստանի տնտեսությունում կազմում են տարեկան մոտ 150 միլիոն։ Նշվում է, որ կայուն ենթակառուցվածքների ոլորտում բանկը Հայաստանի ամբողջ տարածքում ֆինանսավորում է Մեղրիի սահմանային անցակետի արդիականացումը եւ Սիսիան-Քաջարան ճանապարհի շինարարությունը։ Այս ծրագրերը հիմնված են Բագրատաշենի վերջերս կառուցված կամրջի հաջողության վրա: Բանկի ներդրումների հիմնական թիրախներն են ֆինանսական ոլորտը, փոքր եւ միջին ձեռնարկությունները եւ կայուն ենթակառուցվածքները:
*** Վիճակագրություն
Այս տարվա առաջին 11 ամսում Հայաստան եկած զբոսաշրջիկների թիվը կազմել է 1.54 միլիոն մարդ
Այս տարվա առաջին 11 ամսվա ընթացքում Հայաստան է եկել 1.54 միլիոն զբոսաշրջիկ: Զբոսաշրջության կոմիտեի տրամադրած տեղեկությունը վկայում է, որ միայն նոյեմբերին Հայաստան է այցելել 144576 զբոսաշրջիկ։ Այս տարվա հունվար-նոյեմբեր ժամանակահատվածում Հայաստան զբոսաշրջային այցելությունների աճ գրանցած հինգ երկրներն են՝ Ռուսաստանը մոտ 47%, Վրաստանը 10%, Իրանը 7%, ԱՄՆ-ն 3% և Գերմանիան 2%:
*** Կոնյակի արտադրություն
Հունվար-հոկտեմբեր ամիսներին Հայաստանում արտադրվել է ավելի քան 19 հազար լիտր կոնյակ
Այս տարվա հունվար-հոկտեմբեր ամիսներին Հայաստանում արտադրվել է ավելի քան 19 հազար լիտր կոնյակ: Միայն հոկտեմբերին արտադրվել է մոտ 2 հազար լիտր կոնյակ։ Վիճակագրական կոմիտեի հրապարակած տվյալի համաձայն 2021թ.-ին Հայաստանում արտադրվել է ավելի քան 46 հազար լիտր կոնյակ, ինչը նախորդ 2020-ի համեմատ ավելի էր 19.2%-ով։ Հիշեցենք, որ 2020թ.-ին կոնյակի արտադրությունը նվազել է 9.9%-ով:
Ինչ որ տվյալներ սխալ են, թվերը արժանահավատ չեն, խոսքը միլիոն լիտրերի մասին է
*** Էլեկտրաէներգիայի արտադրություն
Հունվար-հոկտեմբերին Հայաստանում էլեկտրաէներգիայի արտադրությունն աճել է 16.8%-ով
Հայաստանում հունվար-հոկտեմբերին աճել է էլեկտրաէներգիայի արտադրությունը: Վիճակագրական կոմիտեի հրապարակած տվյալը վկայում է, որ այդ ամիսներին Հայաստանում արտադրվել է մոտ 7 մլն կՎտ ժամ էլեկտրաէներգիա։ Սա նախորդ տարվա համեմատ ավելի է 16.8%-ով։ ՋԷԿ-երի արտադրությունն աճել է 10.3%-ով և ՀԱԷԿ արտադրությունն աճել է 63.3%-ով, Հողմային էլեկտրակայանների արտադրությունն աճել է 50.7%-ով, իսկ ՀԷԿ-երի արտադրությունը նվազել է 12.8%-ով:
****Միջոցնների կորուստ
2022թ. հունվար-նոյեմբերին հաքերները գողացել են 4.3 մլրդ դոլարի կրիպտոարժույթներ
Ещё видео!