1980 දශකයේ ගුවන්විදුලියෙන් පටිගතකරන ලද්දකි. කැසට් පටන් MP3
සංවර්තනයේ දී සිදු වූ දෝෂයක් නිසා පසුව නැවත පලකෙරෙනු ඇත.

විලක නෙළුම් මට කුමටද - ඔබ හිනැහේ නම්
නෙතක කැළුම් විඳ සැතැපෙමි - ඔබ සෙවණේ මම්... //

ගිම්හානය ගත දවමින් වියළි මිහිතලේ
පවස නැඟේ මා රඳවයි ලොවක නිසසලේ
හෙට අළුයම ගෙට ගෙන එන ළහිරු රැස් දියේ
වසන්තයේ පණිවිඩයත් රැගෙන එමි ප්‍රියේ

විලක නෙළුම් මට කුමටද…

උදා නොවන උදෑසනක් රැයෙහි සිත සිතා
බලා හිඳිමි අවදි වෙවී කඳුළු වැල් ගොතා
අනාගතය අතීතයෙන් විලිලන පොළොවේ
ඔබ පමණකි මා නෙත දුටු දෙවියෝ මෙලොවේ

විලක නෙළුම් මට කුමටද…//

පද රචනය: ප්‍රේමකීර්ති ද අල්විස්
තනුව හා සංගීතය: වික්ටර් දලුගම
ගායනය: අමිතා දලුගම සහ ටියුඩර් ජයශාන්ත

свернуть