Загъорэ гугъэр ц1ыфым ш1ок1оды
Загъорэ тыгъэм пщагъор 1урылъ
Загъорэ лъагъор къыпфэсэгъоты
Загъорэ пщагъом усш1уегъэбылъ

Бжыхьар къэсыгъэу пщэсым ичъы1эу
Къынэсыгъапэ джы сэ сигухэлъ
Ш1улъэгъуныгъэу гъаш1эм пфэсш1ыгъэр
Мыупэбжьагъэу бгъэм зэрэдэлъ

Чыжьэу къеджык1ы, къызэхэсэхы
Синыбжьык1эгъум ихъишъэ нэф
Сибжыхьа пк1ашъэ къырелъэсэхы
Ау идэхагъэ гур къегъэчэф

Джыри сигугъэ сэ сш1ок1одыжьыгъэп
Уадэжь сыкъещэ сэ джыри сигъогу
Джыри к1осагъэп сигъэш1э тыгъэ
Ш1улъэгъу закъор о джыри къэнэф

Припев:

Уинэплъэгъу дахэ сэ сык1эхъопс
Жъогъо нэфэу огум о укъысфепс
Мазэр зэрычыжьэу тэ тызэпэчыжь
Гукъэк1ыжьхэр сыгу имык1ыжь
Уинэплъэгъу дахэ сэ сык1эхъопс
Жъогъо нэфэу огум о укъысфепс
Мазэр зэрычыжьэу тэ тызэпэчыжь
Гукъэк1ыжьхэр сыгу имык1ыжь

Ц1ыфхэр ш1улъэгъум ежэх, щэгугъых
Ахэм афэдэу сэ сыожагъ
Сигугъэ лъагэ тыгъэ нэбзыеу
Сигъаш1э щыщэу сэ къысщыхъугъ

Илъэсхэр мак1ох, сигъаш1и мак1о
Сызэплъэк1ыжьмэ чэщы мэзах
Ощхыр къыщещхы, шыблэр щэгъуагъо
Пщэсым къыхэпсырэр нэбзыи закъу

Загъорэ къысщэхъу укъысш1ош1ыгъэу
Къэсгупшысыгъэу ш1улъэгъу дахэр
Адэ сигугъэ гу1эу къэнэщта?
Осыцэ чъы1эу сыгум къинэщта

Сыгу хихыгъэу оры ш1улъэгъур
Сщымыгъупшагъэу гуми къинагъэр
Сэш1э уигъаш1э щыщы сыхъущт сэ
Сыгур зыгъапэу ш1улъэгъу лъап1

свернуть