Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дод, ки дар як шабонарӯзи охир 88 шаҳрванди Ҷумҳурии Тоҷикистон аз коронавирус сироят ёфта, 78 нафар шифо ёфтанд ва 1 фавт ба қайд гирифта шудааст.

Бояд гуфт, ки ин нишондод аз рӯзи гузашта зиёдтар аст.
Гуфта мешавад, ки мақомоти кишвар аз 21 уми июни соли ҷорӣ вуҷуд доштани дуюмбораи коронавирусро тасдиқ кард ва айни ҳол дар ҷумҳурӣ мавҷи дуюми коронавирус доман паҳҳ кардааст.

Дар маҷмӯъ, аз 30 апрели соли 2020 то 27 июли соли 2021 дар кишвар 14761 нафар гирифторони сирояти коронавирус ба қайд гирифта шуда, аз ин шумора то санаи зикргардида 14245 нафар шифо ёфтаанд ва бар асари бемории мазкур 119 нафар фавтидаанд.

Вазорати тандурустӣ аз сокинони кишвар даъват ба амал меорад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.

свернуть