Петиция ташаббускорларига кўра, Гамбургда бўлиб ўтган "финал жангида кубалик рақиби Хоанис Архилагосни мағлуб этган бўлса ҳам, Ҳасанбой Дўсматов жаҳон чемпионатининг кумуш медалига лойиқ кўрилган".
Жангда "Олимпия чемпиони Ҳасанбойнинг қўли баланд келганига бутун дунё гувоҳ бўлган".
Шундай экан, "Дунё учун адолатни қарор топтиринг!", - дея битилади бу онлайн петицияда.
Онлайн-петиция 2 сентябрь кунги финал жангларидан саноқли соатлар ўтиб, интернетда бўй кўрсатган.
Аён бўлишича, унинг ташаббускорлари ўзбекистонлик бир гуруҳ бокс ишқибозлари бўлишган.
Шу соатларда бу петицияга қўшилганларнинг сони қарийб 2 минг кишига етган.
Сўнгги воқеалар манзарасида Би-би-си Спорт масалалари бўйича муҳаррири Бен Сазерленднинг айтишича, жаҳон спорти тажрибаси назарда тутилганда, бу каби онлайн-петициялар у қадар ҳам самарали бўлмаган.
Би-би-си Ўзбек хизматининг видеоларини www.bbcuzbek.com да ҳам кўришингиз мумкин.
