Një vajzë vetëm 7 vjeç humbi jetën tragjikisht teksa u godit nga ky skaf, në plazhin e Potamit, në Himarë mesditën e së martës. Mjeti lundrues që shkaktoi ngjarjen tronditëse drejtohej nga Arjan Tase që shihni në këtë foto. Ai është shef i policimit në Komunitet në Drejtorinë e Policisë së Elbasanit, ish-shefi komisariatit të Himarës.
Aksidenti i rëndë ndodhi rreth orës 14:00, teksa fëmija e mitur ka qenë në bregun e detit duke luajtur, aty ku siç shihet nga këto pamje, përfundoi dhe skafi që drejtohej nga punonjësi i policisë qe ishte jashtë shërbimit. Siç duket edhe në këto pamje të filmuara vetëm pak sekonda pas ngjarjes, së siguruara nga Tv Klan, pushuesit e zemëruar i kërkojnë llogari shkaktarit të aksidentit.
Pushuesi: Bën trimin akoma. Shikoje! Shikoje një çikë. Shikoje monstrën si bën trimin. Shiko si bën trimin! Kërcënoji ata që i vrave fëmijën. Kërcënoji. Plumbin, plumbin do hash.
Pushuesja: Plumbin hiç s’e ka. A ke fëmijë ti?
Pushuesi: Ke dhe gojë dhe flet ti ore?
Arjan Tase: Nuk desha...
Pushuesi: Çfarë nuk donit more? Çfarë nuk donit more? Ku e keni mendjen?!
Me shkaktarin e aksidentit u përplas edhe babai i vajzës së mitur i cili më pas nga dëshpërimi ka rënë në tokë. Me gjithë ndihmën e pushuesve 7-vjeçarja ndërroi jetë menjëherë për shkak të plagëve të rënda në trup dhe në kokë nga helikat e 2 motorëve të fuqishëm që kishte gomonia 7 metra e gjatë me emrin “Nëna 154”.
Burime në vendin e ngjarjes thanë se drejtuesi humbi kontrollin për shkak të shpejtësisë dhe manovrave që po bënte në afërsi të bregut. Plazhi i Potamit nuk ka as kordonë të sigurisë për mjetet lundruese siç duket në këto pamje.
Drejtuesi i skafit, me gradën Komisar, u arrestua menjëherë. Emri i tij u lakua edhe në 2020-ën kur u pezullua nga detyra në një operacion antidrogë, por më pas u rikthye në polici.
Pas ngjarjes, drejtori i Përgjithshëm i Policisë së Shtetit Gledis Nano urdhëroi përjashtimin e tij të menjëhershëm nga radhët e uniformave blu. Deri në zbardhjen e plotë të rrethanave, Nano ka pezulluar nga detyra edhe Drejtorin e Kufirin të Vlorës, Kryekomisar Shpëtim Hasanaliaj.
Ngjarja vjen vetëm 2 ditë nga urdhri që vetë Nano u kishte dhënë shefave të policisë në qytetet bregdetare për të forcuar kontrollet për sigurinë e pushuesve.
Ky është rasti i tretë dhe më i rëndë i cenimit të sigurisë në plazhe pas plagosjes së një çifti nga një gomone në Jalë dhe më pas lëndimit të një fëmije 7 vjeç në plazhin e Jonufrës.
Tv Klan
#potam
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/VUKvFO0GkaQ/maxresdefault.jpg)