1000 થી પણ વધુ પ્રવૃત્તિઓના ખજાના સાથે ગણિત વર્ગખંડ
અમરેલી જિલ્લાનો છેવાડાનો અંતરિયાળ જાફરાબાદ તાલુકામાં મિતિયાળા નામનું એક ગામ છે. આ ગામની વસ્તી લગભગ ૪,૦૦૦ માણસોની છે. જ્યાં સાક્ષરતા દર પ્રમાણમાં ઓછો છે. સમાજમાં એવી છાપ ઊભી થયેલી કે સરકારી શાળાઓ એટલે ખાડે ગયેલી શૈક્ષણિક સંસ્થા પણ એવું નથી કેટલીયે સરકારી શાળાઓમાં શિક્ષકમિત્રો દ્વારા અદ્ભૂત અને અનોખું શૈક્ષણિક કાર્ય થતું રહે છે.
મિતિયાળા પ્રાથમિક શાળાના શિક્ષક રાઘવભાઈ કટકીયાની વિવિધ શૈક્ષણિક પ્રવૃત્તિઓ જોયા પછી કોઈપણ માણસ અચંબામાં પડી જાય. રોજબરોજ નાવીન્ય પ્રવૃત્તિઓ દ્વારા શિક્ષણ અને સંસ્કાર સાથે શિક્ષણ આપતાં રાઘવભાઈ આજે લોકોમાં 'રઘુ રમકડું' તરીકે ઓળખાય છે.
મિતિયાળા પ્રાથમિક શાળામાં અત્યારે ૪૩૫ વિદ્યાર્થીઓ અભ્યાસ કરે છે. ગ્રામ્ય વિસ્તારમાં આવેલી શાળાઓમાં કોઈવાર બાળકોમાં પણ વ્યસનનું પ્રમાણ જોવા મળતું હોય છે ત્યારે આપને જાણીને નવાઈ લાગશે કે આ શાળામાં ભણતાં એક પણ વિદ્યાર્થીને વ્યસન નથી. ઉપરાંત બી.એ.પી.એસ સંસ્થા દ્વારા ચાલતો 'ચાલો આદર્શ બનીએ' પ્રોજેક્ટમાંથી પ્રેરણા મળતાં જ જે ઘરમાં એક વિદ્યાર્થિનીના ઘરમાં ₹.૧૦ હોય તો એ પણ દારૂ પાછળ એના પિતા ખર્ચી નાખતા,એમના સંતાનોને મારતાં, જમવાનું પણ ન આપતા, પરિવારને રાત્રે ઘરની બહાર કાઢી મૂકતા એ ઘરમાં આજે 'ચાલો આદર્શ બનીએ' પ્રોજેક્ટની પ્રેરણાથી અને રાઘવભાઈ તેમજ શાળા પરિવારની અથાક મહેનતથી આજે એ વિદ્યાર્થીનીના પિતા વ્યસનમુક્ત થયા છે.
રઘુ રમકડું કે જે સદાય શાળામાં બાળકો સાથે ઓતપ્રોત રહેતા, બાળક સાથે બાળક બનતા, ક્યારેક મિત્ર બનતા ક્યારેક મા બનતા, ક્યારેક પંડિતજી જેવા પાત્રો દ્વારા અભિનય કરતા, બાળકો સાથે બાળક બની સરબત અને ચા પોતાના હાથે બનાવી પીવડાવતા, તો ક્યારેક જાતજાતનાં મુખવાસ લાવી બાળકોને મુખવાસ ખવડાવતા, ગણિત વિષયમાં ગણતરી માટે બિસ્કિટ,ભૂંગળાનો ઉપયોગ કરી શીખવતાને બાળકો સાથે તેની લ્હાણી કરતાં, ફુગ્ગા ફુલાવી ફુગ્ગા ઉપર સરવાળા-બાદબાકી શીખવતા, બાળકો માટે પાણીપુરી જાતે બનાવી ખવડાવતા, બાળકોને મા બની શાળામાં ચોળીને નવડાવતાં ને માથામાં તેલ નાખતાં, વર્ગમાં અસલ કબૂતર, કાચબો, સસલું,બિલાડી,ઘેટું લાવી જીવંત શિક્ષણ આપતા, બટાકા ને ડુંગળીનો જબરદસ્ત વાર્તાલાપ, તોલમાપ એકમ શીખવવા વર્ગમાં જ ત્રાજવા લાવી એમાં બાળકોને રમત કરાવતાં, બાળકો સાથે નાચતાં ને પ્રાર્થનાસભા સતત જીવંત રાખતા, સૈનિકોને પોસ્ટકાર્ડના માધ્યમ દ્વારા શાળાની દીકરીઓ દ્વારા સ્વયં રાખડી બનાવી મોકલાવતાં. પણ આર્ટ, પીંછા પર આર્ટ,ઝાળીવાળા પર્ણ પર આર્ટ,વેસ્ટ નાળિયેરની કાચલીની બનાવેલ વસ્તુઓ, દીવાસળી અલગ અલગ નમૂના,સ્ટીક આર્ટ,stone art,wood art,ઢીસણીયા પર આર્ટ,દેશી નળિયાં, છત્રી,માટલું,તાવડી,બોલપેન,પેન્સીલ સોલ,પેન્સીલ,ન્યુઝ પેપર,રોટલી વણવાની પાટલી, ટેપ રેકોર્ડિંગ સિડી, બટાટા,સુડી, માસ્ક,ખાલી માચીસના ખોખા,બેનર વર્ક,બેનર ગેમ,સુગરી માળા,દરજીડાના માળા,ગુલમહોર સિંગ,પિસ્તા,તુરિયા, દૂધી,ગ્લાસ,પતંગ,કેરી ગોટલી,પેપર ક્રાફટ,મોરપીંછ, રૂમાલ,શર્ટ, મેથ્સ મેહદી,વેસ્ટ કંકોત્રી, હાથ પર મગર આર્ટ,પપેટ શો,રંગીન પથ્થર,જુના ચલણ પૈસા,વારલી ગંજી પન્ના તમમાં વેસ્ટ પ્રવૃત્તિનો શિક્ષણમાં ઉપયોગ.....આવી 1000 થી પણ વધુ
પ્રવૃત્તિઓ થી ભરપૂર આયોજન બંધ શાળાની શરૂઆત થશે.
રઘુ રમકડું એ માત્ર ઉત્તમ શિક્ષક જ નહીં એક ઉમદા નૃત્યકાર,નાટ્યકાર,લેખક, ગાયક,ચિત્રકારનો ખજાનો છે. ન શરમાતા કે ન વિચારતાં કે લોકો શું કહેશે ? બાળકો સાથે બાળક બની હંમેશા વિવિધ નાવીન્ય પ્રવૃત્તિ દ્વારા શિક્ષણ આપતાં એક ALL IN ONE PRODUCT શિક્ષક છે.
લોકડાઉનમાં પણ હરતી ફરતી શાળા ચાલુ રાખીને બાળકોને વિવિધ પ્રવૃત્તિઓ સાથે જોડીને ગુજરાત રાજ્યની શાળાઓને પ્રેરણા પુરી પાડી.
રઘુ રમકડું
