1. ինչու են վտանգավոր շրջանաձև երթևեկության խաչմերուկները.
2. շրջանաձև խաչմերուկի հիմնական ընդհարման կետերը.
3. շրջանաձև խաչմերուկներում անվտանգ վարելու մեթոդներ:
 Ինտենսիվ երթևեկություն, սահմանափակ տարածություն

Թեև շրջանաձև խաչմերուկները շատ դեպքերում ավելի ապահով են, քան լուսացուցային կարգավորմամբ խաչմերուկները, այդ փոքր տարածքում ընթանում են շատ ավտովարորդներ, իսկ հետիոտների, հեծանվորդների և խոշոր բեռնատարների ներկայությունը ավելի է մեծացնում շփոթմունքն ու վտանգը: Նորություն չէ, որ Միջին Արևելքում տարեկան բազմաթիվ ընդհարումներ են լինում շրջանաձև խաչմերուկներում:
 Շրջանաձև խաչմերուկներում տարածված ընդհարումները

Շրջանաձև խաչմերուկներում տեղի ունեցող ընդհարումների մեծ մասը պատկանում է հետևյալ երեք դասերին, և շրջանաձև խաչմերուկում երթևեկելը հաճախ ներառում է բոլոր երեք վտանգները: Այս ընդհարումներից ցանկացածը կարող է ավարտվել մարմնական վնասվածքի կամ մահվան ելքով:
o հետևից ընթացող ավտոմեքենայի հետ ընդհարումներ, մինչ սպասում եք մուտք գործելուն.
o ընդհարումներ վերադասավորման ժամանակ.
o ընդհարումներ ճանապարհային երթևեկության մասնակիցների միջև, երբ նրանց ուղիները խաչվում են:
 Ճանապարհային երթևեկության առավել վտանգավոր մասնակիցները

Ճանապարհային երթևեկության որոշ մասնակիցներ շրջանաձև խաչմերուկի տարածքում հատուկ վտանգ են ներկայացնում: Հետիոտներն ու հեծանվորդները կարող են անկանխատեսելի և դժվար նկատելի լինել, հատկապես այն պատճառով, որ հեծանվորդները կարող են ընթանալ և՛ խաչմերուկի ներսում, և՛ հետիոտնային անցումներով: Խոշոր բեռնատարները շատ մեծ մեռյալ գոտիներ ունեն, և իր շրջադարձի մեծ շառավղի պատճառով բեռնատարը կարող է ընթանալ միաժամանակ մի քանի գոտիներով` արգելափակելով այլ մեքենաների ճանապարհը: Ճանապարհային երթևեկության այս հատուկ մասնակիցների տարածքը չհարգելը կարող է ողբերգական հետևանքներ ունենալ:
 Թանկ սխալներ

Թեև շրջանաձև խաչմերուկների որոշ վտանգներ վարորդի վերահսկողությունից դուրս են, հետևյալ տարածված վարորդական սխալները զգալիորեն մեծացնում են ընդհարման վտանգը՝
o ճանապարհ չզիջելը.
o սխալ ազդանշանում կամ ազդանշանների բացակայություն.
o մոտակայքում գտնվող ճանապարհային երթևեկության մասնակիցներին չհետևելը և չհարմարվելը.
o երթևեկության գոտիների սխալ ընտրություն կամ ոչ ճիշտ վերադասավորում.
o հետևից չափազանց մոտ ընթանալը:
 Շրջանաձև խաչմերուկներում անվտանգ երթևեկելը

Օգտագործեք հետևյալ պարզ մեթոդները` նվազեցնելու շրջանաձև խաչմերուկներում երթևեկելիս ձեզ սպառնացող վտանգները.
o հարգեք և ճանապարհը զիջեք ճանապարհային երթևեկության այն մասնակիցներին, ում պատկանում է երթևեկության առավելությունը.
o ուշադիր զննեք շրջապատը՝ հետիոտներին և հեծանվորդներին նկատելու համար.
o հաշվի առեք ճանապարհային երթևեկության բոլոր մասնակիցներին շրջանաձև խաչմերուկի ներսում և շուրջը.
o ճիշտ և հետևողականորեն օգտագործեք ձեր շրջադարձի ազդանշանները:
Վիճակագրությունը
 Անուշադիր լինելու ժամանակ չկա

Որոշ շրջանաձև երթևեկության խաչմերուկներում վարորդները, ուշադրությունը երկու վայրկյան շեղելու դեպքում, կարող են այդ ժամանակահատվածում անցնել խաչմերուկի մուտքի և առաջին ելքի միջև ընկած ճանապարհի մոտ 80%-ը:
 Խաչմերուկի վտանգները

Հետիոտների ու հեծանվորդների հետ տեղի ունեցող 10 ընդհարումներից 5-ը պատահում է խաչմերուկներում:
 Ընդհարման կետեր

Քառաթև միակողմանի շրջանաձև խաչմերուկն ունի մեքենա-մեքենա ընդհարման 8 կետ և մեքենա-հետիոտն ընդհարման 8 կետ:

свернуть