Dronët e marinës ukrainase sulmuan një port në qytetin e Novorosijsk, i cili mban një bazë detare të Flotës ruse të Detit të Zi, sipas raporteve lokale. Vjeshtën e kaluar, Rusia zhvendosi shumë nga luftanijet e saj larg nga Krimea e aneksuar, duke i tërhequr prapa në bazën e Novorosijskut, në rajonin Krasnodar të Rusisë, si rezultat i sulmeve të vazhdueshme ukrainase mbi anijet e saj. Kryebashkiaku i Novorosijskut, Andrej Kravchenko, njoftoi një sulm me mjete pa pilot në orët e para të mëngjesit të së mërkurës, ndërsa kanalet lokale në Telegram thanë se banorët raportuan se kishin dëgjuar shpërthime të shumta. “Mos dilni jashtë, sidomos në argjinaturën buzë detit”, paralajmëroi kryebashkiaku banorët. Moska tha ndërkohë se kishte shkatërruar disa dronë detarë të ukrainës gjatë natës, por kanalet lokale në telegramë, e vunë në dyshim këtë version. Ato publikuan imazhe satelitore që dukej se tregonin zjarre që digjeshin në portin e Novorosijskut. “Rusia njoftoi për shkatërrimin e dy dronëve detarë të ukrainës, në det. Por në fakt, zjarret janë në tokë”, shkruan ata. Ukraina ka shtuar sulmet e saj ndaj marinës ruse duke përdorur dronët e saj detar Magura V5 në muajt e fundit. Në maj, Drejtoria kryesore e Inteligjencës e Ukrainës tha se i kishte shkaktuar dëme në vlerë 500 milionë dollarë anijeve luftarake të Moskës që nga fillimi i luftës. Droni Magura V5 është "arma kryesore dhe më e mirë në dispozicion të Ukrainës" për të sulmuar Flotën e Detit të Zi, tha zëdhënësi i Drejtorisë, Andriy Yusov. Sipas zyrtarëve ukrainas, deri më tani, një e treta e flotës ruse në detin e zi është shkatërruar.
Pamje:AFP


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Luftanijet#Putin

свернуть