Bu gün Azərbaycanda Azərbaycan Müstəqillik günü qeyd edilir. Belə ki, 1918-ci il mayın 28-də tarixçilər tərəfindən Azərbaycan Demokratik Respublikasının banisi hesab edilən Məmmədəmin Rəsulzadə və onun silahdaşları Azərbaycan Respublikasının müstəqilliyini elan ediblər. Amma Bakıda bu müstəqil dövlətin 1920-ci ildə süqutuna bais olan bir qism şəxslərin heykəlləri Bakıda hələ də dursa da Məmmədəmin Rəsulzadə və onun yaxın silahdaşları Fətəli xan Xoyski, Nəsib bəy Yusifbəyov, Əlimərdan bəy Topçubaşov kimi ictimai-siyasi xadinlərin hələ də Bakıda heykəli yoxdur.
Azərbaycan Respublikası Nazirlər Kabineti Məmmədəmin Rəsulzadənin
Bakıda abidəsinin ucaldılması barədə 1992-ci il yanvarın 13-də qərar qəbul edib. Qərarın icrası Mədəniyyət Nazirliyi, Rəssamlar İttifaqı və Bakı şənər İcra hakimiyyətinə tapşırılıb. Həmin qərardan sonra Mədəniyyət Nazirliyinin sifarişi ilə görkəmli heykəltəraş Ömər Eldarov heykəli hazırlamağa başlayıb.
Rəsulzadəyə Bakıda heykəl qoyulması məsələsi bir də 1993-cü ilin dekabrında yada düşüb. Həmin vaxt mərhum dövlət başçısı Heydər Əliyevin Rəsulzadənin 110 illik yubileyinin təntənəli şəkildə qeyd olunması ilə bağlı verdiyi sərəncamda ona Bakıda heykəl qoyulması, əsərlərinin nəşri, vaxtilə yaşadığı evin muzeyə çevirilməsi, Novxanıdakı bağ evinin onun varislərinə qaytarılması nəzərdə tutulub. Amma ötən illər ərzində aidiyyatı qurumlar bu sərəncamın da müddəalarını yerinə yetirməyib.
Rəsulzadənin Bakıdakı kukla teatrı ilə üzbəüz bağda quraşdırılmalı olan heykəlinin yeri boşdur.
Kanalımıza abunə olmağı da unutmayın
[ Ссылка ]
Digər sosial şəbəkələrdə bizi izləyin
Telegram - [ Ссылка ]
Facebook - [ Ссылка ]
Instagram - [ Ссылка ]
Twitter - [ Ссылка ]
#Azərbaycan #AnewsTv #Xəbərlər
Ещё видео!