Աշուղ Հավասու «Ի՞նչ ասեմ յարիս» երգն է՝ «Սայաթ-Նովա» աշուղական երգի անսամբլի կատարմամբ: գեղարվեստական ղեկավար և մենակատար՝ Թովմաս Պողոսյան:
Երգի խոսքերը՝
Պարտեզում իրիկնապահին
Ընկերներով ման կուգային,
Բացվել էր դեմքը երկնային.
Ա՞րև ասեմ, թե՞...
Լուսի՞ն ասեմ, թե՞...
Ի՞նչ, ի՞նչ ասեմ, գեղեցիկ յարիս:
Երգում է սրտի սերիցը,
Սազն էլ չի գցում ձեռիցը,
Թափում է շրթունքներիցը.
Նաբա՞թ ասեմ, թե՞...
Շաքա՞ր ասեմ, թե՞...
Ի՞նչ, ի՞նչ ասեմ, անուշիկ յարիս:
Հավասու դարդերը ծով է,
Դարձյալ նստել, յար կգովե,
Հետս էլ չի խոսի, խռով է.
Հա՞մր ասեմ, թե՞...
Բլբո՞ւլ ասեմ, թե՞...
Ի՞նչ, ի՞նչ ասեմ, սիրունիկ յարիս:
![](https://s2.save4k.ru/pic/W5P_LkAkRVs/mqdefault.jpg)