«Սեպտեմբերի 3-ին Հայաստանի Մաքսային միությանը անդամակցելու որոշումը մեծապես պայմանավորված էր Հայաստանի և Արցախի անվտանգության խնդրով»,-այսօր «Նովոստի» մամուլի կենտրոնում, «Եվրասիական ընտրություն--Հայաստան--2014» թեմայով Երևան-Մոսկվա տեսակամուրջի ժամանակ ռուսական կողմին վստահեցրեց Կովկասի ինստիտուտի փոխտնօրեն Սերգեյ Մինասյանը։

Պարոն Մինասյանը իր ռուս գործընկերներին խնդրեց ուշադրություն դարձնել այն փաստին, որ Հայաստանը պետք է հատուկ ռեժիմով անդամակցի Եվրասիական տնտեսական միությանը. «Այն մաքսային մեխանիզմները, որոնք գործում են Եվրասիական տնտեսական միությունում, կարո՞ղ են արդյոք լավ ազդեցություն ունենալ մեր երկրի համար, ես այնքան էլ վստահ չեմ։ Հայաստանը կարող է բեռ դառնալ մյուս երկրների համար։ Այդ պատճառով հատուկ ռեժիմով պետք է կատարվի Հայաստանի անդամակցումը»,-նկատեց նա։

свернуть