Ky vështrim me tepër indinjatë i aktivistes për klimën Greta Thunberg ndaj presidentit amerikan Donald Trump ka bërë xhiron e rrjeteve sociale dhe mediave botërore.

16-vjeçarja suedeze që vuan nga autizmi ishte e pranishme në mbledhjen e Asamblesë së Përgjithshme të OKB-së për ndryshimet klimatike, ku dha edhe një mesazh emocional drejtuar qeverive botërore për të reaguar kundër ndryshimeve me ritme negative të shpejta të klimës, që rrezikojnë gjithë njerëzimin.

“Unë nuk duhej të isha këtu, por në shkollë në anën tjetër të oqeanit. Thoni se keni shpresa tek ne të rinjtë. Si guxoni!!! Ju flisni vetëm për para dhe për përrallat me rritje ekonomike. Si guxoni!!!”

Sekretari i Përgjithshëm i OKB-së, ndër të sensibilizuarit e parë nga lëvizjet kundër ndryshimeve klimatike ftoi udhëheqësit e pranishëm të veprojnë.

“Ne ende mund t’ia dalim për të kufizuar ngrohjen globale me 1.5 gradë. Por kjo do të kërkojë transformime thelbësore në të gjitha aspektet shoqërore, në mënyrën si prodhojmë ushqimin, si e shfrytëzojmë tokën, në transport dhe si e zhvillojmë ekonominë”.

Në përfundim të mbledhjes, OKB njoftoi se Gjermania, Rusia dhe 64 vende të tjera u bënë pjesë e një marrëveshjeje paraprake për të zeruar çlirimin e gazrave që shkaktojnë efektin serë deri në 2050-n.

Tv Klan

свернуть