Ассалямуғалейкум *дені саудың , жаны сау* арнасының тұрақты оқырмандары. Бүгін сіздерге 30 жыл темекі шегіп, 1 күнде тастап кеткен адамның оқиғасы туралы айтамыз. Ендеше видеоны соңына дейін көріңіз... Өте қызық тақырып болмақ.

Темекі шегіп жүріп көбі бұл әдеттің денсаулыққа қаншалықты зиян екенін түсінгенімен, одан тез әрі оңай бас тарту өте қиынға соғады. Дегенмен, темекіні тастағаннан кейін адам ағзасында қандай өзгеріс болатынын түсіну көріңіздер.
Негізі адам ағзасы - қалпына келе алатын бірден-бір механизм. Егер адам психологиялық өзіңізді жеңіп, темекі шегуден бас тартуға шешім қабылдаса, ағзада бірден мынадай өзгерістер басталады:
20 минут ішінде жүрек соғу жиілігі мен қан қысымы төмендейді;
12 сағатта қандағы улы газдың мөлшері қалыпты деңгейге дейін төмендейді;
2-12 апта ішінде қан айналымы және өкпенің жұмысы жақсарады.
Сонымен бірге осы уақытта адамның көңіл-күйі көтеріледі, ұйқы бұзылуы азаяды, денеде қуат пайда болады. 1-9 айда ентігу және жөтел азаяды. Бұл тыныс алу органдарының жұмысында демікпе бар адамдар үшін өте маңызды.
Бір жыл ішінде жүректің ишемиялық ауруының пайда болу қаупі 2 есе төмендейді темекі шегетіндермен салыстырғанда, ал 15 жылдан кейін инсульт қаупі темекі шекпейтін адамдікімен тең деңгейге дейін азаяды.
10 жылдан кейін өкпенің қатерлі ісігінің пайда болу қаупі 2 есе азаяды, сонымен қатар ауыз қуысы, тамақ, өңеш, қуық, жатыр мойнының және ұйқы безінің қатерлі ісігінің туындау ықтималдығы төмендейді. Адам темекіден бас тартқаннан кейін ағзада оң өзгерістер пайда болуы ұзақ күттірмейді.
Сонымен қатар никотинді өнімнен бас тарту репродуктивті жүйеге де оң әсер етіп, импотенция, бала көтерумен байланысты проблемалар, мерзімінен бұрын босану, түсік жасау және дене салмағы төмен балалардың туылу қаупі азаяды.
Егер адам 30 жаста темекі шегуді тоқтатса, оның өмір сүру ұзақтығы шамамен 10 жылға. Темекіден бас тарту шылым шегетін адамның жанындағыларға да пайдалы болады. Мысалы, балаларда демікпе сияқты тыныс алу ауруларының қаупін азайтады. Сондай-ақ темекі шегуді тоқтату ол шығыннан құтылу, мысалы сіз күніне 1 қорап темекі шегесіз, ол шамамен 700 теңге тұрады. Соны 1 айда 21000 теңге құртасыз. Ал 1 жылда 252000 мың. 30 жылда 7560000 ақша құртасыз. Йә, Бұл сома ойланарлық екен?
Темекі жалпы қалай пайда болды?
темекі Еуропа мен Азияға 15 ғасырда келген. Алғашқы кезде темекі тіс ауруына қарсы қолданылатын дәрі ретінде пайдаланылып жүрген. Ресейде темекі тарту дағдыға айналып, кең етек жайған мезгіл – Петр І патшалық еткен кез. Темекі адамның тәбетін қашырады, ас қорытуды нашарлатады, асқазанда жара, ерін, тіл және өңешке қатерлі ісік ауруын тудырады, дененің инсулин бөліп шығару қабілетін азайтып, қант диабет ауруына ұрындырады, ми қызметінің қалыпты ырғағын бұзады, жүрек ауруына бірден-бір себеп, көздің көруі нашарлайды, бет-жүзге әжім ерте түседі, тез қартайтады, тіс ерте түседі, операциядан кейінгі жара жазылмай әурелейді, есте сақтау қабілеті төмендейді, тамырды қатайтады, т.б. дерт түрлері темекі тарту себебінен болатыны анықталып отыр.
Қазіргі таңда қазақ қоғамын қатты алаңдатып отырған дүние – қыз-келіншектердің шылымқұмарлығы. Темекіге үйір әйелден дені дұрыс сәби тумайды. Себебі іштегі балаға оттегімен қоса түтін баратындықтан сәбидің ақыл-есі кемістікке ұшырауы мүмкін. Темекі құрамындағы аса зиянды полоный элементі (Ро210) әйелдің жатырындағы жұмыртқа жасушаларына жиналып, токсиндік улы зат ретінде мутация тудырады. Баланың кемтар болып тууы¬на басты себеп осы.


Темекіден қалай бас тартуға болады
Өмір бойы темекі шеккен адам бірден тастап кете алмайды. Сондықтан ол алдымен өзін соған дайындау керек. Сонымен қатар темекіні еске түсіретін барлық заттан, мысалы, қораптары, күл түсіретін ыдыстың көзін жойып, өзгелерден жаныңызда темекі шекпеуін өтіну керек. Егер аяқасты темекіге деген құмарлық туындаса, ойды бөлуге тырысып, су ішуге, сағыз шайнауға, бірнеше жаттығу жасауға немесе серуендеу үшін далаға шығуға болады.
Сондай-ақ никотинге тәуелділікті бәсеңдететін арнайы сағыз арқылы қоюға болады.

свернуть