Сириядағы жанжал аумағынан құтқарылып, елге жеткізілген көпбалалы ананың онда барған себебін анықтаумен арнайы қызмет мамандары айналысады.
Бұл туралы ҚР Бас прокурорының орынбасары Андрей Лукин мәлімдеді. Оның сөзінше, бұл аса маңызды. Сол арқылы өзге отандастарымыздың қақтығыс аймағына шығуға тосқауыл қойылады.
Айта кетейік, осыдан бірер күн бұрын Шешен Республикасының Грозный қаласына Сирияның қауіпті ауданынан құтқарылған 40 адам жеткізілді. Соның 5-еуі – қазақстандық. Олар – 1988 жылы дүниеге келген Орал қаласының тұрғыны мен оның кәмелетке толмаған 4 баласы.
Андрей Лукин, ҚР Бас прокурорының орынбасары:
- Мұндай қиын жағдайда мемлекет өз азаматтарына көмектеседі. Біз – бірінші кезекте зайырлы, құқықтық мемлекетпіз. Сондықтан бұл жайттар заңдық механизмдер аясында қарастырылады.
