ZO VAKHU KOP BANGIN
Lasa: Haumang (Zo Vakhu) & C. Chingnu
Laphuo: Haumang
+ Tuni’a mel a ka mu ngaih Zozam aw
Vangkhuo hei pan a hing hei na mah, ngaih?
Sangga duongkuoi cie, ngaih
Tong hing dawng aw, sannem
- “Tuni’a melmu pan vang, ngai ing” nei ci
Kumsawt lo bang tulpi din’ nang muong la’ng
Kang muong lo zong, ngaih aw
Singtom vangkhuo pan hi’ng
Sahkia:
-/+ Aw, vang ngai sinthu khau bang sut pan tai e
Zo vakhu kop bangin leng vai lung kituoin
+ Aw, lung a ka gelgel leh kum khat hing nem
Melmu holung kuppi ngam lo lung ngaih in
Silpuon zemhoino tawh guollai na heilai-in
- He i zaw, ka gelgel leh lailung ah lang sa’ng
Guollai ah mit hem a nei et ka mu
Nikhat melmu hi lo gui khau sawt a zamsa
(Sahkia)
+ Vang kingai vang hanlung na ciem ngam diei?
Tun le zuo’n khenna’ng zingvai hing hawm leh
Namtem khah palsanin nei zui ngam diei, ngaih aw?
- Tawi kawlcieng-in laidip hing tan nanle
Zang huiva’n hing leng vang na sieng zuonin
Lei ah tui bang gawm lo zong laukha van ah gawm ding
(Sahkia)
Zo vakhu kop bang a tulsinglel ah tuong ding
