Құтқарушылардың жаттығуы әрі қарай "Тұрғындар қалашығы" ауданындағы жағажайда жалғасты. Мұнда сүңгуірлер көлігімен бірге суға батқан адамды құтқару амалдарын пысықтады. Сценарий бойынша қала тұрғыны балық аулау үшін мұз үстіне көлігімен шыққан. Ауыр салмақтан мұз жарылып, балықшы көлікпен бірге суға түсіп кеткен. Хабар жеткен бойда оқиға орнына құтқарушылар мен апаттық медицина орталығының дәрігерлері келді. Алайда, жедел жәрдем қызметінің қажеті болмады. Сүңгуір көлік ішінен балықшының мәйітін шығарып алды. Құтқару жұмыстары бас-аяғы бес минутта аяқталды. Төтенше жағдайлар департаментінің бас құтқарушысы Талғат Тапаев жігіттердің әрекетін өте жақсы деп бағалады. Биыл мұндай шақыртулар түспеген. Ал, былтыр Ырғызда көліктерімен мұзға шыққан бірнеше балықшы құтқарылған.
Ещё видео!