Ermənistan silahlı qüvvələri Tərtərdə jurnalistləri atəşə tutub. Bu gün ərazidə çəkiliş aparan Azərbaycan televiziyasının əməkdaşları da hücuma məruz qalıb. Kanalın sürücüsü yaralanıb.Cəbhəyanı bölgədə hadisələri işıqlandıran yerli və xarici jurnalistlər mütəmadi olaraq düşmənin mülki şəxsləri, eləcə də onların özünü hədəf aldığını deyirlər. Tərtərdə istənilən mülki şəxsi eləcə də jurnalistlər hər an düşmənin hədəfinə çevrilə bilər. Buna görə, media nümayəndələri təhülkəsizlik qaydalarına ciddi əməl etməyə çalışır.
