Жергілікті атқарушы билік БАҚ өкілдеріне барынша ашық және қолжетімді болуы тиіс. Себебі, маңызды бір ақпарат алу үшін журналистер бірнеше табалдырық тоздырып, көптеген есіктерді қағып, біраз адамға қоңырау шалатыны жасырын емес. Ал, ақпарат уақыт өткен сайын ескіре береді. Алакөл жағалауында БАҚ өкілдері мен әлеуметтік желі белсенділеріне арналған 3 күндік семинарда осы және өзге де мәселелер көтерілді. Шара барысында интернет-журналистикасының болашағы талқыланып, жаңа ақпарат көздерінің артықшылықтары мен кемшіліктері сөз болды.
