Алматыда алғашқы қоңырауға бара жатқан 13 жасар баланы көлік қағып кетті. Оқыс оқиға Жангелдин және Андреев көшелерінің қиылысында орын алды. Соққының қатты болғаны соншалық жасөспірім бірнеше метрге ұшып, жол жиегіндегі бордюрге басымен соғылған. Ең сорақысы, жүгенсіз жүргізуші балаға көмек көрсетпестен, оқиға орнынан ізін суытуға асыққан. Ал, көлік қаққан бала өз күшімен үйіне барып, болған оқиғаны анасына жеткізіпті. Жасөспірімнің анасы дереу жедел жәрдем шақыртып, шұғыл медициналық көмек көрсету орталығына жеткізген.
![](https://i.ytimg.com/vi/WT6cwH0OrR8/maxresdefault.jpg)