Ditën e sotme (24 prill), është zhvilluar seanca gjyqësore në GJKKO ndaj ish-ministrit të Mbrojtjes, Fatmir Mediu për tragjedinë e Gërdecit.
Avokatët mbrojtës dhe Mediu kundërshtuan provat e prokurorisë. Gazetarja e Top Channel, Anila Hoxha, raportoi se SPAK ka kërkuar të merret si provë akt ekspertimi tekniko ushtarak në gjyqin e mediut ndërkohë që ata kërkuan eksoertim tjetër për shkaqet e zjarrit dhe të bëhet eksperimenti.
Ndërsa bëri me dije gjithashtu se SHBA ka sjellë një përgjigjie të letër porosive mbi pyetjet e disa prej dëshmitarëve që jetojnë atje, por autoritetet gjyqësore janë shprehur se pyetja e këtyre personave nuk mund të bëhet nga gjykata por vetëm nga agjentët e FBI.
Nga ana tjetër, Mediu kërkoi që të ketë një diskutim nëpërmjet video-konferencës me dëshmitarët që jetojnë në SHBA.
“E kemi bërë të qartë kërkesën tonë. Kemi kërkuar një diskutim interaktiv me një kompani që ka pasur kontratë me ministrinë e Mbrojtjes. Do ishte mirë të kishim një diskutim nëpërmjet video-konferencës.
Kërkova të vlerësohet pjesa ligjore formale e aktit të kryer dhe të përcaktohet se çfarë ka ndodhur. Është e gjitha ajo historia e karrocës së dorës, ndërkohë që vetë ekspertët amerikanë thonë se nuk ka asnjë lloj nxehtësie aty për të djegur barutin. Mendoj se do ishte në dinjitetin e SPAK që të bëheshin të gjitha aktet e ekspertizës për pretendimet e bëra”- tha ish ministri i Mbrojtjes.
Po ashtu, Top Channel, ka zbardhur edhe diskutmet gjatë seancës gjyqësore mes prokurorit të SPAK Klodian Braho dhe Mediut pasi ky i fundit kërkoi kryerjen e një eksperimenti hetimor për përcaktimin e shkaqeve të shpërthimit dhe pyetjen e ekspertëve amerikanë që kanë firmosur aktin e parë kur ndodhi shpërthimi.
Prokurori Klodian Braho hodhi poshtë pretendimet e avokatëve të Mediut që pretendonin se akuza për shpërdorim detyre ndaj tij, nuk qëndron.
“Në Gërdec u krijua mjedis i rrezikshëm dhe ministri ishte në dijeni, Gërdeci nuk ishte i licensuar”- mësohet të jetë shprehur Braho.
Nga ana tjetër Mediu është përgjigjur me fjalët: Nuk shkova të bëj ushtri por për të orientuar politikat e mbrojtjes.
Seanca gjyqësore e radhës do të mbahet më datë 2 maj në orën 10:00.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Mediu#Gerdeci#TopChannelNews
