Беларускі мастак, які паказаў нам космас задоўга да першага палёту чалавека на ракеце. Язэпа Драздовіча немагчыма пераблытаць з кімсьці іншым. Гэта ён захапляўся іншапланетным жыццём і ствараў неймаверныя краявіды на дыванах-маляванках.
Язэп Драздовіч маляваў Сатурн, Марс, Месяц і іх жыхароў. Як выглядае жыццё на гэтых планетах мастак бачыў у сваіх снах. Ён прачынаўся і перамалёўваў іншапланетныя гарады і прыроду. І таксама ствараў свае сусветы і ў падрабязнасцях іх апісваў.
Мастак самастойна займаўся вывучэннем галактык і нават выдаў сваю кнігу “Нябесныя бегі”. А асобная частка яго творчасці – неймаверныя маляваныя дываны.
Язэп Драздовіч быў не проста таленавітым разьбяром па дрэве, скульптарам і мастаком. Ён запісваў фальклор і апрацоўваў народную лексіку для слоўнікаў, удзельнічаў у выданні беларускіх казак, народных песень, складаў альбомы з узорамі беларускіх тканін.
Мастак за сваё жыццё перажыў некалькі войнаў, пераломаў эпох. Але ён верыў у магчымасць новага лепшага свету, асновай якога будзе гуманізм.
Адной з галоўных ідэяў сусветаў Драздовіча стала ідэя міру і ўсеагульнай гармоніі. Ён заклікаў ставіцца талерантна і з павагаю да ўсіх формаў і праяваў жыцця на нашай ці іншых планетах.
#gazetaby #медыясалідарнасць #навіны #новости #мастацтва #гісторыя
![](https://i.ytimg.com/vi/WlqeQET9lx8/maxresdefault.jpg)