Նա ինքն իրեն անդադար բացահայտում է, վստահ է` անկեղծությունն է բերում հաջողություն:
Կարծում է` պետք չէ վախենալ քանդելուց, ավերելուց, ավերման էներգիան կարևոր է։
«Եթե ինչ–որ բան իր տեղում չէ, կամ սպառվել է, պետք է դա քանդել ու ստեղծել նորը, այդ նորն էլ անհրաժեշտ է պահպանել: Պետք չէ կառչել անիմաստ երևույթներից, պետք է չվախենալ փոփոխություններից, պետք է բաց թողնել այն, ինչ պետք չէ», – ասում է կրթության փորձագետ Արեգ Թադևոսյանը։
Ըստ նրա՝ մեր հիմնական խնդիրներից մեկը հարմարավետությունն է։ «Հաճախ փոփոխությունը անհարմարավետություն է, բայց դա անհրաժեշտ է, դրան պետք է պատրաստ լինել», – նշում է փորձագետը։
Կարևորում է անցյալի, ներկայի ու ապագայի «համաժամանակեցումը»։ Համոզված է, որ բոլոր խնդիրների լուծումը բացառապես կրթական դաշտում է:
Եղել է բազմաթիվ երկրներում, բայց միշտ վերադարձել է, քանի որ կարծում է՝ Հայաստանն ամենաապահով վայրն է աշխարհում: Համոզված է, որ առանց Աստծո մարդը հեռու չի գնա:
![](https://i.ytimg.com/vi/Wlt6kEIPayM/maxresdefault.jpg)