«Դա եղել է 15 տարի առաջ: Ես տեղյակ չեմ եղել, հավաքել են, մոնտաժ են արել, բայց դա եղել է 15 տարի առաջ: Նրանք ոչ թե իմ աշխատողներն էին, այլ` իմ ուսանողները: Ես իմ աշակերտին իրավունք չունե՞մ ասելու` անասուն: Ինչի անասուն, որովհետև խանգարում էին»,- այս մասին Asekose.am-ի հետ զրույցում ասաց Երևանի կրկեսի գեղարվեստական ղեկավար Սոս Պետրոսյանը` անդրադառնալով երեկվանից համացանցում լայն տարածում գտած արխիվային տեսանյութին, որում ինքը կոպտում է, վիրավորում ուսանողներին, ովքեր իրենց փորձի ժամանակ աղմկում են ու խանգարում Սոս Պետրոսյանին, ով այդ պահին հարցազրույց է տալիս: Ավելին` կրկեսի ղեկավարը նույնիսկ երկաթյա փող է բարձրացնում նրանց վրա`ցույց տալու համար, թե ինչպես պետք է վարվել նման մարդկանց հետ:
Պրն. Պետրոսյանի կարծիքով` 15 տարվա վաղեմություն ունեցող տեսանյութը պատահական չէ հայտնվել համացանցում. «Մեկը «զակազ» ա տալիս, ինչ ա եղել, Հայաստանում չգիտես»:
