БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
«Қытай тарапы Қазақстанның ұлттық қауіпсіздігін, егемендігі мен аумақтық тұтастығын қорғауға, қалаған даму жолын ұстануға, мемлекеттің гүлденуіне қажетті ішкі және сыртқы саясатын іске асыруға бағытталған бастамаларын әрі қарай да қолдай береді». Бұл Қытай халық республикасының төрағасы Си Цзиньпиннің мәлімдемесі. Көрші ел басшысының айтуынша, Қытай Қазақстанның ішкі істеріне араласқандарға қарсы тұруға дайын. Си Цзиньпин мырза отандық бұқаралық ақпарат құралдарына арнап жазған мақаласын Қазақстанға мемлекеттік сапары аясында ұсынып отыр. Ал, елімізге арнайы келіп отырған әріптесін мемлекет басшысы Қасым-Жомарт Тоқаевтың өзі қарсы алды.
Қытай төрағасы кейінгі он жылда Қазақстанға осымен бесінші рет келіп отыр. Бұл әлемдегі экономикасы ең қарқынды дамып жатқан жетекші мемлекеттің екіжақты ынтымақтастықты дамытуға мүдделі екенін көрсетсе керек. Мәселен, өткен жылы екі ел арасындағы тауар айналымы 41 миллиард долларды құраған. Осылайша, көрсеткіш 2022 жылмен салыстырғанда 30 пайызға жоғарылап отыр. Ендігі меже тауар айналымын 100 миллиард долларға жеткізу. Демек, Си Цзиньпин мырзаның бұл жолғы сапары аясында жоғары деңгейде келіссөздер жүргізіліп, бірқатар маңызды құжатқа қол қойылады.
АЙДАР ҚҰРМАШЕВ, сарапшы:
– Сондықтан да инвестициялық жобалар өсуде. Қазіргі күнде 45-тен астам инвестициялық жоба жүзеге асуда. Жалпы алып қарағанда 25 миллиардтан астам ақша құйылған Қазақстанға. Ол әрине қазақстандық бизнестің, қоғамның қатысуымен жүзеге асырылып жатыр.
Енді Транскаспий көлік дәлізін дамытуға күш салынады деді сарапшы. Себебі, жоба екі ел үшін де маңызды. Және Қытай өндірген тауарларын Қазақстан арқылы Еуропаға тезірек жеткізуге мүмкіндік алады. Сәйкесінше, біздің ел логистикалық хабқа айналғалы отыр. Айтуынша, осы жобаны экономикалық әлеуметті арттырудың амалы есебінде қарастырып, жол бойында отандық кәсіпорындар құруымыз қажет.
ӘЛІШЕР ТАСТЕНОВ, бас сарапшы:
– Негізі, визасыз режим енгізілгені үлкен сенімнің көрінісі. Әрі бұл сапар экономикалық ынтымақтастықты жаңа деңгейге көтеруге тиіс. Ол инвестициялық, не инфрақұрылымдық серіктестік болсын. Жалпы, қазір Қазақ-Қытай арасындағы ынтымақтастық тек экономикалық байланыспен шектелмейді. Өйткені, барлық сала бойынша қарым-қатынас орнаған.
Демек, көрші ел төрағасының келуі тарихи оқиға болып отыр. Өйткені, бұл сапар екі ел үшін де үлкен мүмкіндіктерге жол ашады. Әрі Си Цзиньпин мырза осы мемлекеттік сапары қарсаңында қазақстандық БАҚ-қа арнап авторлық мақала жазып, іске асырылып жатқан бірнеше ауқымды жобаларға тоқталған. Сондай-ақ, кедендік рәсімдер жеңілдегелі қытайлықтардың дастарханында Қазақстанның сапасы жоғары, экологиялық таза өнімдері көбейгенін айтып отыр. Қытай төрағасының пайымдауынша, енді екіжақты ынтымақтастықта жаңартылатын қуат көздері мен көлік инфрақұрылымы саласының әлеуеті зор.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Ещё видео!