Այս թողարկման մեջ տեղ են գտել հետևյալ թեմաները՝
1-Փետրվար-մարտ ամիսների ընթացքում ի՞նչ աշխատանքներ են իրականացվել քաղաքապետարանի կոմունալ տնտեսության և բարեկարգման բաժնի կողմից:
2-Այս տարի լրանում է Վանաձորի և քույր քաղաք Բանիոյի համագործակցության 50 տարին: Ի՞նչ է տվել այն կողմերին, և ի՞նչ հիմքերի վրա են քույր քաղաքների հետ կապերը:
3-Այս շաբաթ Հայքի հրապարակում կրկին ցույցի էին դուրս եկել Վանաձոր Ջեկի աշխատակիցները: Պահանջը կրկին 100-ից ավելի աշխատակիցների 4 ամսվա և վերջնահաշվարկի շուրջ 130 մլն դրամ աշխատավարձերի պարտքի մարումն է, որը դատարանի որոշմամբ նրանաց պետք է հատկացվեր դեռ 2011-ից:
4-Շառլ Ազնավուրի անվան մշակույթի պալատի մուտքի աջ և ձախ թևերի տանիքի քարերը պոկվում և ընկնում են: Վթարված առաստաղի տակ են Գրողների միության ԼՄ բաժանմունքը և «Հորովել» համույթի փորձասենյակը: Ի՞նչ քայլեր են ձեռնարկվել շենքի վերականգնամ ուղղությամբ:
5-Վանաձորում մեկնարկել են ֆրանկոֆոնիայի օրերը: Քաղաքապետարանի կամերային երգչախումբը հանդես է եկել ֆրանսալեզու կատարումներով:
6- ՀՀ Մշակույթի նախարարությունը Մշակությային կրթություն հիմնադրամի հետ համատեղ նախաձեռնության շրջանակներում մարզերում առկա երաժշտական դպրոցներում ուսումնասիրություններ է իրականացնում երաժշտական գործիքների ու գրականության հագեցվածության, գործիքների պիտանելիության և ընդհանուր պահանջարկի վերաբերյալ: Մայրաքաղաքից ժամանած մասնագետները վանաձորի երաժշտական դպրոցներում նաև նորոգել, լարել են երաժշտական գործիքները, տրամադրել խորհրդատվություն:
Ծրագրի շրջանակներում արվեստի և երաժշտական 6 դպրոց համալրվել է 20 անուն երաժշտական նոր գրականությամբ: Ազգային, լարային, փողային նվագարանների հայալեզու ձեռնարկների կարիքը լրացնելուց բացի նշված խմբերում ամբողջ մարզում սովորող 144 երեխաների վարձավճարը պետությունը վերցրել է իր վրա:
7- Հին տոմարով մարտի 13-ին, նոր տոմարով՝ մարտի 25-ին նշվում է հայ մեծանուն բանաստեղծ, գրող և թարգմանիչ Եղիշե Չարենցի ծննդյան օրը: Գրողի 120-րդ հոբելյանը նշել են Զորյանի տուն-թանգարանում: Այն, ինչ նա սիրում էր, ինչին հավատում էր և հանուն ինչի նետվում էր առճակատման: Չարենցյան պոեզիայի մեկնաբանությունը պատանիների ու աղջիկների կատարմամբ:
8- Ստամբուլում կայացած միջազգային մրցույթում վանաձորցի ազատ ոճի ըմբիշ Նարեկ Սիրունյանը 15:5 հաշվով հաղթել է ազգությամբ թուրք մրցակցին: Ու թեև վերջինս ոչ մարզական հնարքներ է կիրառել, այնուամենայնիվ մեր մարզիկը հաղթել է ժամանակից շուտ բացահայտ առավելությամբ:
9-Վանաձորի Մանկատան սան 15 ամյա Սաբրինա Մանվելյանն էլ գրավել է «Դու լավագույնն ես» մանկական միջազգային երաժշտական մրցույթի ժյուրիի սրտերը: «Ֆենոմենալ հիշողությամբ աղջիկը» երգը սովորում է ընդամենը 3 անգամ լսելուց հետո: աղջկա երաժշտական նախասիրությունների ցանկը ներառում է ռեփ, ռոք, ջազ, ռուսական էստրադա և այլն: Սաբինան հասցնում է զբաղվել լրագրությամբ, թաղիքագործությամբ, նկարում է և պարում, սիրում է դաշնամուր նվագել: Այժմ նա հստակ քայլերով մոտենում է երգչուհի դառնալու իր երազանքին:
Շարունակեք հետևել «Վանաձորյան օրերի» հաջորդ թողարկումներին ամեն շաբաթ օր 16:30-ից և կիրակի՝ 13:10-ից, ինչպես նաև fortunatv.am կայքում online,
[ Ссылка ]
[ Ссылка ] հղումներով
Վանաձորյան օրեր Vanadzoryan orer 18 03 17
Теги
newsinfohourtimeo'clockwordtidingshearsayFortunaTVLoriVanadzoreritasardHKlurerarshakyankarenkarapetyanngo centerngocenterus embassyARM NEWSARMNEWSSOS SARGSYANASHUNBANADZEVCOMEDYSHANT TVARMENIABEELINEORANGEVIVA CELLUCOMMEGAPHONEEREVANMOSCOWPOGODAGISMETEOTOP HITSMTVMUZTVDISNEYFILMSLOVECNNBBSAL JAZIRACLUBTopBestFavoriteAFTER EFFECTSbellissimibelissimo