Өзбекстанда «Жас Алаш» газетінің түпнұсқасы табылды. Qazaq TV жаңалықтары
Өзбекстанда І ғасырлық тарихы бар «Жас Алаш» газетінің түпнұсқасы табылды. 1921 жылдың 9 мамырында жарыққа шыққан басылымның 4 саны Әлішер Науаи атындағы Өзбекстан ұлттық кітапханасында сақталып келген.
Өзбекстанда І ғасырлық тарихы бар «Жас Алаш» газетінің түпнұсқасы табылды. 1921 жылдың 9 мамырында жарыққа шыққан басылымның 4 саны Әлішер Науаи атындағы Өзбекстан ұлттық кітапханасында сақталып келген. Басылымның бас беті ғана бүтін жетіпті. Оны мамандар сирек әрі құнды жәдігерлер санатына жатқызған.
Махфуза Абдраимова, Ә. Науаи атындағы Өзбекстан ұлттық кітапханасының жетекші маманы:
- Қайдан келгені, кітапханаға кім әкелгені белгісіз. Оны зерттеген ешкім жоқ. Бірақ бұл көне жәдігер болғандықтан, оны тиісті талаптарға сай сақтап отырмыз. Күн түспейтін, бір қалыпты температурасы бар бөлмеге қойдық. Бұл газеттің әлі цифрлық көшірмесі де алынған жоқ.
Мерзімдік баспада төте жазумен қатар кирил графикасын да кезіктіруге болады. Қазақстандық ғалымдар бұл Ахмет Байтұрсынов жасаған реформаға дейінгі кезең дейді.
Самал Төлеубаева, шығыстанушы:
- Сосын байқасақ ол кезде әлі кирил қарпі бізде бекітілмеген. Мысалы, орысша жазылған сөздерінің өзінде қате бар. «Понидельник» деген осындай мәселелер. Енді мынау төте жазудың өзіне келсек, әрине 29 жылға. Яғни Ахмет Байтұрсынов реформа жасағаннан кейінгі жазудан сәл өзгеше. Мысалы мына жерде «ш» әріпі «ж» беріледі. Тағы басқаша.
Мерзімді баспа 15 күнде 1 рет 4 бағанмен шығып отырған. Сыртқы және ішкі хабарлар атты 2 айдары болған. Газеттің бұл санында сол кезде өткір тұрған мәселелердің бірі – қалың мал мен көп әйел алуға тыйым салу жайы жазылыпты. Сонымен қатар Ғали Жан деген автордың жастарға арнаған мақаласы басылған.
Ұшқын Сәйдірахманұлы, Ә. Бөкейхан атындағы «Алаш» ғылыми-зерттеу институтының директоры:
- Қазақ - қырғыз шәкірттеріне деген мақалада не айтқысы келген? Біз теңдік алдық, біз бостандық алдық, коммунистік партия бізге болашақты нұсқады деген кіріспемен маңыздылығын атап келіп, одан кейін енді жастар сендер оқуларыңды бітіріп, елге, ауылға қайтқалы тұрсыңдар. Ауылға қайтқанда ел арасында қандай кемшілік мінездер бар, қандай ерсі қылықтар бар? Қандай сіздер көріп тұрған келеңсіз жәйттер бар? Осының бәрін түзеуге күш салыңыздар. Оны бізге газет бетіне жазыңыздар деген үндеу тастаған.
Өзбекстанның кітапханасында жатқан қазақ басылымы құнды жәдігер санатында қорғалса да әбден тозығы жеткен. Ендігі кезекте оның цифрлық нұсқасын жасап шығару мәселесі тұр.
#Өзбекстан #ЖасАлаш #газет #ӘлішерНауаи
Qazaq TV: бізді спутниктік арна арқылы және Youtube, әлеуметтік желілерден көріңіздер. Видео астында пікір қалдыруды ұмытпаңыздар!
Qazaq TV: смотрите нас на спутниковом ТВ, в Youtube и социальных сетях. Оставляйте ваши коммментарии под этим видео.
Watch us on satellite TV, YouTube and social networks. Leave your comments under this video!
Qazaq TV арнасына жазылыңыз / Подписывайтесь на Qazaq TV / Subscribe to Qazaq TV
[ Ссылка ]
Біздің басты шоуларды көріңіз / Смотрите наши топовые шоу / Watch our top shows
Qazaq Golden Hits
[ Ссылка ]
Trails of Nomads
[ Ссылка ]
Байланыс аясынан тыс жерде
[ Ссылка ]
Біздің сайт / Наш сайт / Our website - [ Ссылка ]
Vkontakte - [ Ссылка ]
Facebook - [ Ссылка ]
Twitter - [ Ссылка ]
Instagram - [ Ссылка ]
Telegram - [ Ссылка ]
