Ac qalan ana azyaşlıqızlarını satmağa məcbur olub. Hadisə Əfqanıstanın Qənahar vilayətində baş verib. Ərinin ölümündən sonra yoxsulluq içərisində yaşayan Şeyma Nəzəri çarəsizlikdən iki azyaşlı qızını satdığını elan edib. 9 yaşlı Necla və 7 yaşlı Mehtabla birlikdə yaşayan ana kirayədə yaşadığı evdə quru çörək yediklərini deyir. Hazırda onlara qohumları da daxil olmaqla heç kimin kömək etmədiyini qeyd edən Nəzəri "Bu gün quru çörək və qaynadılmış kartof bişirib övladlarıma yedizdirirəm. Hər bir müsəlmanın bizim kimi insanlara kömək etməsi lazımdır" deyir.
Nəzəri onu da bildirib ki, polis əməkdaşı olan oğlu Mahmud 7 il əvvəl 26 yaşında qəfil yoxa çıxıb.illərdir oğlunu axtaran anaya daha bir zərbə də əri Davudun ölümü olur.
Oğlu kimi polis olan əri Davudun 5 ay əvvəl 58 yaşında Talibanla qarşıdurmada öldüyünü vurğulayan Şeyma Nəzəri ərinin qalan maaşının ala bilmədiyini deyir. Hazırda yoxsulluq içində olan ana qızlarının oxumaq istədiyini lakin buna maddi imkanının olmadığını deyir.
7 yaşlı Mehtab deyir ki, anam məni satmaq istəyir, amma mən anamdan ayrılmaq istəmirəm deyir.
9 yaşlı Necla isə atam sağ olanda çox gözəl xatirələrimiz oldu. İşdən gələndə bizə bir şey gətirirdi, bizi bərk-bərk qucaqlayırdı. Artıq atam yoxdur. Biz isə sabahımızın nə olacağını bilmirik deyir.
Qeyd edək ki, bu ilin avqustun 17-də, Talibanın Kabilə girməsindən iki gün sonra ABŞ da Əfqanıstan Mərkəzi Bankının təxminən 10 milyard dollarlıq ehtiyatlarını dondurdu.
Qeyd olunan hadisələr onsuz da münaqişələr və qeyri-sabitlik ucbatından ağır günlər yaşayan ölkə iqtisadiyyatını çıxılmaz həddə çatdırdı. Əfqanıstanda işsizlik, yoxsulluq və aclıq qorxulu həddə çatıb.
BMT-nin proqnozuna görə, əhalinin yarıdan çoxu - 22,8 milyon insan qış aylarında Əfqanıstanda ciddi ərzaq çatışmazlığı yaşaya bilər.
[ Ссылка ]
[ Ссылка ]
[ Ссылка ]
#İTV
#İTVXəbər
#ictimaitv #video #televiziya #baku #videolar #itv
![](https://s2.save4k.ru/pic/XJMPYYYWeSQ/maxresdefault.jpg)