Алматы облысының полицейлері жер қойнауын заңсыз пайдаланушыларды анықтады. Полиция департаментінің ұйымдасқан қылмысқа қарсы күрес басқармасының қызметкерлері Еңбекшіқазақ ауданындағы карьерлердің бірінің аумағында пайдалы қазбаларды заңсыз өндірушілердің жолын кесті. Аталған іс бойынша күдіктілердің барлығы анықталды. Әрқайсысының қылмыстық құқық бұзушылыққа қатысы тексеріліп жатыр. Мемлекетке келтірілген залал 122 миллион теңгеден асты. Арнайы тұраққа 47 автокөлік мен арнайы техника қойылды. Жер қойнауын заңсыз пайдалану фактісі бойынша қылмыстық іс тіркелді. Тергеу жүргізіліп жатыр.
