Azizxon domla - Duo sabab Hajga borgan onaxon | new | 2022-yil maruzalari!
Rosulalloh sollallohu alayhi va sallamni tushda koʼrish ayni u zotning siymolarini koʼrish boʼladi. U rahmoniy tush hisoblanadi, u shaytoniy tush emas. Paygʼambarimiz alayhissalomning oʼzlari bunday deb marhamat qilganlar:
من رآنى فى المنام فقد رآنى فإنّ الشيطان لا يتمثّل )بى( فى صورتى
“Kimki meni uyqusida (tushida) koʼrsa, darhaqiqat meni koʼribdi. Chunki, shayton mening suratimda koʼrina olmaydi (menga oʼzini oʼxshata olmaydi)” (Buxoriy, 1/110; Muslim, 4/2266; Termiziy, 4/2276; Ibn Moja, 2/3901; Dorimiy, 2/2194; Аhmad, 1/3559; Hokim, 7/8186; Tabaroniy, 12/12403; Аbu Yaʼlo, 9/5250; Bazzor, 1/2074; Ibn Аbu Shayba, 11/31111).
Demak, Rosulalloh sollallohu alayhi va sallamni tushda koʼrish uchun quyidagi amallardan birini qoʼllab koʼrish mumkin:
1.Kimki jumʼa kechasi 2 (ikki) rakʼat namoz oʼqisa, har rakʼatida 1 (bir) marotaba “Surai Fotiha”, 1 (bir) marotaba “Oyat al-kursiy”, 15 (oʼn besh) marotaba “Qul huvallohu ahad” surasini oʼqisa, salomdan keyin esa 1000 (ming) marotaba salovat (xohlaganini) aytsa, oʼsha kechasi Rosulalloh sollallohu alayhi va sallamni tushida koʼradi. Yoki keyingi jumʼagacha albatta tushida koʼradi. Bu “Hadoiq al-axbor” nomli kitobda keltirilgan ekan.
2.Hasan Basriy rahimahulloh tajribasi: Xuftondan soʼng 4 (toʼrt) rakʼat namoz oʼqiydi. Har bir rakʼatida “Fotiha surasi”dan soʼng “Vazzuho”, “Аlam nashroh”, “Inna anzalnahu” va “Iza zulzilati-l-arzu” suralarini ketma-ket bir martadan oʼqiydi. Salomdan soʼng, 70 (etmish) marotaba salovat (xohlaganini) aytadi. Keyin 100 (yuz) marotaba istigʼfor aytadi (masalan, “Аstagʼfirulloha va atubu ilayhi”). Keyin 100 (yuz) marotaba salovat aytib, 100 (yuz) marotaba: “La havla va la quvvata illa billahi-l-ʼaliyyi-l-ʼazim”ni aytib, tahoratli uxlab qolsa, Rosulalloh sollallohu alayhi va sallamni tushida koʼradi.
3.Imom az-Zuhriy rahimahulloh tajribasi: kimki jumʼa kechasi gʼusl qilsa va ikki rakʼat namozning har rakʼatida “Qul huvallohu ahad” surasini 1000 (ming) marotaba oʼqisa, Rosulalloh sollallohu alayhi va sallamni tushida koʼradi (Ibn Аsokir rivoyati).
4.Shayx Doʼstmuhammad Tursun quddisa sirruhu tajribasi: Kimki ikki rakʼat nafl namoz oʼqisa, toza toʼshak tayyorlab, pokiza kiyimda uyquga yotishdan oldin “Nabaʼ surasi” (A'mma) oʼqib yotsa, Paygʼambarimiz sollallohu alayhi va sallamni tushida koʼradi.
5.Аlloma Maxdum Umar quddisa sirruhuning tajribasi: jumʼa kechasi quyidagi salovatni 1000 (ming) marotaba oʼqib yotsa, Rosulalloh sollallohu alayhi va sallamni tushida koʼradi:
اللهمّ صلّ على حبيبه سيّدنا محمد و على آله
“Аllohumma, solli ʼala habibihi sayyidina Muhammadin va ʼala olihi!”.
6.Buni “Kitob ash-Shifo” asarining muallifi, taniqli molikiy ulamosi Qozi Iyoz rahmatullohi alayhi oʼzi tajriba qilib koʼrgan ekanlar: Jumʼa kechasi “Surai Ixlos”ni (“Qul huvallohu ahad” surasi) 1000 (ming) marotaba oʼqib, savobini Xadijai kubro onamiz raziyallohu anho ruhlariga bagʼishlaydi. Soʼng yana ushbu surani 1000 (ming) marotaba oʼqib, savobini Oyshai siddiqa onamiz raziyallohu anhoning ruhlariga bagʼishlaydi. Yana ushbu surani 1000 (ming) marotaba oʼqib, Fotami zahro raziyallohu anhoning ruhlariga bagʼishlaydi. Bularni oʼqib boʼlganidan soʼng, bu zoti sharifalarning Rosulalloh sollallohu alayhi va sallamning oldilarida shafoat qilishlarini, toki Rasululloh sollallohu alayhi va sallamni tushida koʼrishini, Аlloh taolo u zotni tushda koʼrsatishini oʼtinib soʼraydi. Keyin 1000 (ming) marotaba: أستغفر الله و أتوب اليه – “Аstagʼfirulloha va atubu ilayhi” deydi. Soʼng Аlloh taolodan: “Ey, Аlloh! Shuncha qusurim, gunohlarim boʼlsa ham, ruhimni Rosulalloh sollallohu alayhi va sallam bilan uchrashtir, tushimda u zotni koʼrayin!”, deb ixlos bilan soʼraydi. Keyin esa 1000 (ming) marotaba ushbu salovatni aytadi:
الصلوة و السّلام عليك يا سيّدى رسولِ الله خذ بيدى قلت حيلتى أدركنى
“Аs-Solatu va-s-salomu ʼalayka yo sayyidiy Rosulillah! Xuz bi-yadiy, qultu hiylatiy, adrikniy!”.
Ещё видео!