#xezersuleymanli #xəzərsüleymanlı
şeir: AriF Buzovnalı
ifa: Xəzər Süleymanlı
Atv kanalı
7 canlı verilişi
Az olmayıb səndən ötru darıxdığım,
Son təsəllim bu olub ki, bəxtiyarsan,
Sağsan, varsan.
Mənim kimi durmamısan
İllərin yol ayrıcında,
Ayrılığı dadmamısan,
Hicran zülmü qarşısında
Qəzəbini udmamısan.
Dərd-qəm səndən uzaq olub,
Hamı mənə qonaq olub.
Az olmayıb səndən ötru darıxdığım,
Mən hər gecə zülmətlərin
Sükut dolu nəgməsini dinlədikcə
Sənə bir vaxt demədiyim kəlmələri
Xəyalına söyləmişəm,
Cavabını gözləmişəm.
Dilsiz xəyal, cansız xəyal,
Bütün gecə lal olub, lal.
Az olmayıb səndən ötru darıxdığım,
Sən mənə bəxş eyləmisən təkliyimi,
Bəlkə qanın qaralardı,
Bəlkə bir az xoşbəxtliyin azalardı
Bilsə idin bu illərdə
Sənsiz nələr çəkdiyimi.
Nə yaxşı ki bilməmisən.
Qismətinə Allah yazan səadəti
Bir miskinin xərti üçün bölməmisən.
Az olmayıb səndən ötru darıxdığım,
Fələk tale bölgüsünü aparmayıb ədalətlə,
Ayrı düşüb mizrabından könül simi,
On il qabaq salamıma
Cavab olan təbəssümü
Bu günədək işlədirəm qənaətlə.
Bu şerimi sən oxuma,
Burda nisgil, burda hicran, qəm-kədər var,
Oxuduqca
Məhəbbətdən dağ-dağ olmuş sevən qəlbi
Ah dumanı zəbt eləyər aram-aram.
Mənə vaxt ver, qoy bir az da fikirləşim,
Mən səninçün səadətdən,
Xoşbəxtlikdən yazacagam.
Ещё видео!