Արմենուհի Պողոսյանը վստահեցնում է, որդուն՝ ժամկետային զինծառայող Լևոն Թորոսյանին բանակում սպանել են։

2018 թվականի մայիսին «Մեհրաբ» զորամասում հայտնաբերվել է ժամկետային զինծառայող Լևոն Թորոսյանի դին՝ գլխի շրջանում ստացած մահացու հրազենային գնդակային վիրավորումով: Ըստ քննչականի՝ տղան ինքնասպան է եղել, սակայն մայրը չի հավատում։ Ավելին, մայրը՝ Արմենուհին, ինպես շատ անգամ, այսօր էլ NEWSPRESS.am-ի հետ զրույցում, վստահեցնում է, որ ինքն անգամ լսել է նրա վերջին ճիչը։

Նա պատմում է, որ որդու հետ հեռախոսով խոսելիս է եղել ու լսել է, թե ինչպես է հեռանում որդու ձայնը հեռախոսից՝ բացականչելով։

«Սպանել են իմ որդուն դաժանաբար սեռական օրգաններին հարվածելով, կանգնած է եղել հայրը դիահերձարանում և դատաբժիշկը արձանագրել ա էրեխայի վրա բռնության հետքերը»,-ասաց Ամենուհի Պողոսյանը։

Նա մեզ հետ զրույցում պատմեց նաև, որ որդին հիասթափված է եղել այդ զորամասից ու ցանկացել է փոխել զորամասը, սակայն մայրը խորհուրդ չի տվել, ինչի համար այսօր զղջում է։

«Երեխեն այնտեղից հիասթափվում էր իր ծառայությունից ու բողոքում էր ինձ, ասում էր ըստեղ լավ չի, աֆիցերները, բոլորը շատ վատ են վերաբերվում իր հետ, հատկապես իր կամբատից, Մկրտչյանից: Էրեխեն ուզում էր դիմում գրել գնալ Ղարաբաղ»։

Արեմուհի Պողոսյանը նաև նկատում է, որ քննչականում չեն ցանկացել բացահայտել գործը՝ մասնավորապես նշելով Հայկ Գրիգորյանի՝ Քննչական կոմիտեի նախագահի անունը։

Պողոսյանն էլ է միացել խաղաղ պայմաններում զոհված զինվորների մայրերին ու պահանջում է գործի արդարացի լուծում, որպեսզի պատժվեն իրական մեղավորները։

свернуть