Алматыда үш адамның өмірін қыршыннан қиған сұмдық жол-көлік апатына себепкер болған адамның есімі анықталды. Бағдаршамның қызыл түсін елемей, жолды сағатына 120 шақырым жылдамдықпен кесіп өтіп, 4 адам отырған көлікті аударып жіберген күдікті 1985 жылы туған Алматы тұрғыны болып шықты. Қазір тергеу изоляторына қамалған жүргізуші қылмыстық кодекстің екі бірдей бабы бойынша 12 жылға дейін бас бостандығынан айырылуы мүмкін.
