Azərbaycan prezidenti İlham Əliyevin qızları
Dubayda otel kompleksinin və dəbdəbəli
villaların sahibləridirlər.
Bunu “The Guardian” qəzetində dərc olunmuş
yeni araşdırma üzə çıxarıb.

Müəllif Juliette Garside yazır ki,
Dubaydakı Cumeyra Palma süni adasında
Sofitel otelində bir gecənin qiyməti 400 funt sterlinqdir.
Turistləri oteldə təklif olunan xidmətlərlə
yoldan çıxarmağa çalışırlar. Ancaq otel sahiblərinin adları,
təbii ki, daha az reklam olunur.
Bu kurort Azərbaycan prezidenti
İlham Əliyevin qızlarına məxsusdu

Daha sonra Jurnalistlərin Mütəşəkkil Cinayətkarlıq
və Korrupsiya Araşdırmaları Layihəsi (OCCRP) üzə çıxarıb ki,
Sofitel-in tikildiyi ərazinin sahibi
Dubayda qeydiyyatdan keçmiş Sahra FZCO adlı şirkətdir.
Sahra-nın sahibləri isə Leyla və Arzu Əliyevalardır.

Araşdırmanı “The Guardian”, “Reuters” və “The New York Times”
daxil 18 media təşkilatını birləşdirən Daphne Layihəsi aparıb.
Həmin layihə ötən ilin oktyabrında maşınına qoyulmuş
bomba partlayışında həlak olmuş maltalı jurnalist
Daphne Galizia-nın
araşdırmalarını davam etdirmək üçün yaradılıb.

Sahra şirkətinin 2004-cü ildə yaradıldığı,
bacıların hərəsinin 50% paya sahib olduğu bildirilir.

İndiyədək prezident övladlarının Londonda daşınmaz əmlak,
eləcə də Azərbaycanda mədən sənayesi,
telekommunikasiya, otel biznesindəki
paylarını üzə çıxaran araşdırmalar aparılıb.

Sahra şirkəti Sofitel-dən savayı yaxınlıqda
Cumeyra Palmasıında 16 villa da əldə edib.
Bu adadakı villaların hərəsinin ortalama qiymətinin
2 milyon funt sterlinq olduğu bildirilir.

Son sənədlər vaxtilə “Washington Post”un yazdıqlarını da təsdiqləmiş olur.
Qəzet bacıların qardaşları Heydər Əliyevlə birlikdə
Cumeyra Palmasında 17 dəbdəbəli mülkiyyətə sahibləndyini yazırdı.
Onların adlarına qeydiyyatdan keçmiş
bu mülkiyyətin qiyməti 70 milyon funt sterlinqə yaxındır.



Araşdırma hakim ailə üzvlərinin gizli investisiyaları Malta bankı
vasitəsiylə gerçəkləşdirdini ortaya qoyub.

Söhbət Pilatus bank vasitəsiylə Britaniya,
İspaniya, Fransa, Gürcüstan və Monteneqroya
yatırılan gizli sərmayələrdən gedir.

Araşdırmaya görə, şirkətlərin çoxu prezident
İlham Əliyevin övladları və fövqəladə hallar naziri
Kəmaləddin Heydərovun iki oğlu üçün fəaliyyət göstərib.
Bu iddiaların Dubaydan sızdırılmış sənədlərlə dəstəkləndiyi bildirilir.

“The Guardian” yazır ki, bu araşdırma ilk dəfə olaraq prezident
İlham Əliyevin qızlarının Azərbaycanda ən böyük şirkətlərdən olan
Gilan Holding-in yarısına sahib olduğunu üzə çıxarıb.
Bu şirkətin bankçılıq, tikinti, turizm, kənd təsərrüfatı sektorlarında,
“Qəbələ” futbol klubunda maraqları var.
Bu araşdırmalardan
sonra beynəlxalq qurumlar
Azərbaycan hökumətinə şəffaflıq çağırışlarını bir daha dilə gətirəcəklər.

Ancaq Azərbaycan hakimiyyəti tənqidləri rədd edib,
onları şər-böhtan adlandırıb.
İlham Əliyev isə Azərbaycanın demokratik ölkə olduğunu,
azad və ədalətli seçkilər keçirildiyini deyir.


#leylaəliyeva
#ilhaməliyev
#antidiktatura

свернуть